83503

ལག་པའི་མཆོད་པ་ (1)

Part of speech

མིང་ཚིག

Definition

ཨ་བྷི་ཡུ་ཀ་ཏས་མཛད་པའི་ལག་པའི་མཆོད་པ། པེ་ཅིང་། སྣར་ཐང་ལ་མཛད་བྱང་ཆད། ཆོས་ཚན་ ༠༤༩༩ པ་ནས་ ༠༥༠༣ པའི་བར་ཆོས་ཚན་ལྔ་ལ་བུ་སྟོན་དཀར་ཆག་དང་། པེ་ཅིང་། སྣར་གྱི་དཀར་ཆག་ཏུ་ལག་མཆོད་རྣམས་བཞུགས་སོ་ཞེས་ཆོས་ཚན་གཅིག་ཏུ་བྱས་པ་དང་། སྡེ་དཀར་དུ་ཕྱིར་བཟློག་འཁོར་ལོ། ཕག་མོའི་སྲུང་བའི་འཁོར་ལོ། གཏོར་མའི་ཆོ་ག ལག་པའི་མཆོད་པ་སྟེ་ཆོས་ཚན་བཞི་དང་། བསྟན་འགྱུར་དཔེ་བསྡུར་མ་ལ་ཕག་མོའི་སྲུང་བའི་འཁོར་ལོ་དང་གཏོར་མའི་ཆོ་ག་གཉིས་ཀྱི་བར་དུ་རྡོ་རྗེ་ཕག་མོའི་པྲ་བརྟག་པ་ཞེས་པའི་ཆོས་ཚན་གཅིག་སྟེ། ཆོས་ཚན་ལྔར་བྱས་ཏེ་བསྒྲིགས་ཡོད། གཞན་ཡང་བུ་སྟོན་དཀར་ཆག་ཏུ་ཆོས་ཚན་ ༠༤༩༨ པ་རྡོ་རྗེ་རྣལ་འབྱོར་མའི་བསད་པ་ལས་ཀྱི་མན་ངག་དང་། གོང་གི་ལག་མཆོད་རྣམས་ཐེ་ཚོམ་གྱི་གཞིར་སྣང་ངོ་། ། པེ་ཅིང་། སྣར་ཐང་། སྡེ་དགེ་པར་མ་གསུམ་གྱི་དཀར་ཆག་ཏུ་ལག་མཆོད་རྣམས་ཐེ་ཚོམ་དུ་བཞེད་པ་ལས་ཆོས་ཚན་ ༠༤༩༨ པ་ཐེ་ཚོམ་དུ་བཞེད་མི་འདུག བསྟན་འགྱུར་རྒྱུད་འ་པར་བཞུགས།