83753

ལམ་ (1)

Part of speech	མིང་ཚིག
Definition	ས་ཆ་གཅིག་ནས་ས་ཆ་གཞན་པ་ཞིག་ཏུ་འགྲོ་སའི་ལམ་ཁ།
Keyword	True
Example	རྒྱ་ལམ། འགྲོ་ལམ། ཁྲོམ་ལམ། ལམ་དོག་པོ་དང་། ལམ་མེད་སར་ལམ་བཟོས་ལྟ་བུ།
Synonyms	ཀུན་འགྲོའི་བཤུལ། བཤུལ། ཀུན་འགྲོ། ཀུན་འགྲོའི་སྲོལ། སྐྱ་རིང་། བགྲོད་པ་གཅིག་པ། རྒྱུ་བའི་ས། འགྲོ་བའི་གཞི། འཇུག་བྱ། བགོམ་བྱ། འགྲོ་བྱ། བགྲོད་བྱ།

{{#arraymap:ལམ་

|; |@@@ | | }}

ལམ་ (2)

Part of speech	མིང་ཚིག
Definition	ལུགས་སྲོལ་གྱི་དོན་ཏེ།
Keyword	True
Example	ཁ་མཆུ་སྔར་ལམ་ལྟར་བསྡུམས་ལྟ་བུ།

{{#arraymap:ལམ་

|; |@@@ | | }}

ལམ་ (3)

Part of speech	མིང་ཚིག
Definition	ཐབས་ཤེས་དང་ལས་སྟངས།
Keyword	True
Example	རིག་ལམ། ཐབས་ལམ་ལྟ་བུ།

{{#arraymap:ལམ་

|; |@@@ | | }}

ལམ་ (4)

Part of speech	མིང་ཚིག
Definition	ཡུལ་དང་གནས་ཀྱི་དོན།
Keyword	True
Example	ལྔ་ལམ། མིག་ལམ་ལྟ་བུ།

{{#arraymap:ལམ་

|; |@@@ | | }}

ལམ་ (5)

Part of speech	མིང་ཚིག
Definition	མིག་སོགས་དབང་པོས་ཤེས་ཐུབ་པའི་ཁོངས་གཏོགས་ཀྱི་མིང་སྟེ།
Keyword	True
Example	གློག་བརྙན་མིག་ལམ་དུ་ཤར། རོལ་མོ་རྣ་ལམ་དུ་གྲགས་ལྟ་བུ།

{{#arraymap:ལམ་

|; |@@@ | | }}

ལམ་ (6)

Part of speech	མིང་ཚིག
Definition	ཚིག་སྦྱོར་གྱི་རྣམ་པའི་མིང་སྟེ།
Example	སྙན་ངག་གི་ལམ་ནས་དྲངས་ཏེ་སྙན་ཞུ་ཕུལ། ཚིག་སྦྱོར་ཕུན་སུམ་ཚོགས་པའི་ལམ་ནས་དྲངས་ཏེ་བསྟོད་པ་བྱས་ལྟ་བུ།

{{#arraymap:ལམ་

|; |@@@ | | }}

ལམ་ (7)

Part of speech	མིང་ཚིག
Definition	དམིགས་ཡུལ་དང་འཆར་བཀོད་ཀྱི་འབྲས་བུ་སོགས་ཀྱི་དོན་ཏེ།
Keyword	True
Example	བྱ་བ་ལམ་འགྲོ་བྱུང་། གང་བྱས་ལམ་ལ་འགྲོ། ལས་ཀ་ལམ་ལ་སོང་ལྟ་བུ།

{{#arraymap:ལམ་

|; |@@@ | | }}

ལམ་ (8)

Part of speech	མིང་ཚིག
Definition	མདོ། བགྲོད་པར་བྱ་བའི་འཇུག་ངོགས་སམ་གཞིར་གྱུར་པ་གང་ལ་ཞུགས་ནས་འཇིག་རྟེན་དང་འཇིག་རྟེན་ལས་འདས་པའི་གོ་འཕང་མཆོག་ཏུ་བགྲོད་པར་བྱ་བའི་འཇུག་ངོགས་སུ་གྱུར་པ་སྟེ། ལམ་དེས་འགོག་པ་ཚོལ་བའམ་མཚོན་པའམ་དམིགས་པའམ་འཐོབ་པར་འགྱུར་བ་ལ་བྱ་སྟེ་ལམ་ཞེས་བྱ། འཕགས་པའི་ལམ་དུ་ཞུགས་ནས་མྱ་ངན་ལས་འདས་པར་འགྲོ་བའི་དོན་གྱིས་ལམ་ཞེས་བྱའོ། །
Domain	ཆོས་ལུགས།

{{#arraymap:ལམ་

|; |@@@ | | }}

ལམ་ (9)

Part of speech

མིང་ཚིག

Definition

ལམ་བདེན་གྱི་ཁྱད་ཆོས་སུ་གྱུར་པའི་ལམ་ཞེས་པ་ནི་ཐར་ལམ་གཏན་མེད་དུ་འཛིན་པའི་ལོག་རྟོག་གི་གཉེན་པོར་མདོ་ལས་གསུངས་ཞིང་ཉོན་མོངས་ལས་ཐར་པའི་སར་བགྲོད་པར་བྱེད་པའི་དོན་གྱིས་ན་ལམ་ཞེས་བརྗོད་དེ། དེ་ལྟར་ཡང་མཁས་གྲུབ་དགེ་ལེགས་དཔལ་བཟང་གིས་མཛད་པའི་སྡེ་བདུན་ཡིད་ཀྱི་མུན་སེལ་ལས། ལམ་གྱི་བདེན་པ་ནི། རང་གི་ངོ་སྐལ་གྱི་སྤང་བྱའི་ས་བོན་དངོས་སུ་སྤོང་བའི་གཉེན་པོ་བར་ཆད་མེད་ལམ་དང། དེའི་སྤངས་པ་ལ་དབང་བྱེད་པ་རྣམ་གྲོལ་ལམ་དང་གཉིས་ཀྱིས་བསྡུས་པའི་འཕགས་པའི་ཡེ་ཤེས་རྣམས་ཡིན་ལ། དེ་ལ་ཡང་ཐར་ལམ་གཏན་མེད་དུ་འཛིན་པ་དང། བདག་མེད་རྟོགས་པའི་ཤེས་རབ་ཐར་ལམ་མ་ཡིན་པར་འཛིན་པ་དང། དེ་ཡུལ་གྱི་གནས་ལུགས་ལ་ལོག་པར་ཞུགས་པར་འཛིན་པ་དང། དེས་སྡུག་བསྔལ་གཏན་ནས་ཟད་པར་བྱེད་མི་ནུས་པར་འཛིན་པའི་ཕྱིན་ཅི་ལོག་བཞིའི་གཉེན་པོར་བསྒོམ་པར་བྱ་པ་ལམ་གྱི་བདེན་པའི་རྣམ་པ་བཞི་སྟེ། འདི་ལྟར། བགྲོད་པར་བྱེད་པའི་དོན་གྱིས་ན་ལམ་དང། ཉོན་མོངས་པའི་གཉེན་པོ་བྱེད་པས་ན་རིགས་པ་དང། སེམས་ཕྱིན་ཅི་མ་ལོག་པར་སྒྲུབ་པའི་དོན་གྱིས་ན་སྒྲུབ་པ་དང། རྟག་པའི་གནས་སུ་གདོན་མི་ཟ་བར་ཕྱིན་པར་བྱེད་པས་དོན་གྱིས་ན་ངེས་འབྱིན་གྱི་རྣམ་པ་དང་བཞིའོ། །རྟག་པའི་གནས་ཞེས་པ་ནིསླར་མི་ལྡོག་པའི་གནས་གྱི་དོན་ནོ། །ཞེས་གསུངས། དབྱེ་ན། ཚོགས་ལམ་དང་། སྦྱོར་ལམ། མཐོང་ལམ། སྒོམ་ལམ། མཐར་ཕྱིན་པའི་ལམ་མོ་ཞེས་ས་པཎ་གྱིས་ཐུབ་པ་དགོངས་གསལ་ལས་གསུངས་སོ། །

{{#arraymap:ལམ་

|; |@@@ | | }}

ལམ་ (1)

Part of speech	ཕྲད་ཚིག
Definition	འབྱེད་པ་ལ་འཇུག་པ། དབྱེ་གཞི་གཅིག་ལས་དབྱེ་བ་དུ་མ་སོ་སོར་འབྱེད་པ་སྟེ། སྦྱོར་ཚུལ་རྗེས་འཇུག་ལ་ཡིག་མཐར་ལམ་འཐོབ་པ་ཡིན།
Keyword	True
Example	ཤིང་རྟའི་སྲོལ་གཉིས་ཏེ། རྒྱ་ཆེན་སྤྱོད་པའི་སྲོལ་ལམ། ཟབ་མོ་ལྟ་བའི་སྲོལ་ལོ་ལྟ་བུ།

{{#arraymap:ལམ་

|; |@@@ | | }}

ལམ་ (2)

Part of speech	ཕྲད་ཚིག
Definition	སྡུད་པ་ལ་འཇུག་པ། བསྡུ་བྱ་དུ་མ་བསྡུ་གཞི་གཅིག་ཏུ་སྡུད་པ་སྟེ། སྦྱོར་ཚུལ་རྗེས་འཇུག་ལ་ཡིག་མཐར་ལམ་འཐོབ་པ་ཡིན།
Keyword	True
Example	རྒྱ་ཆེན་སྤྱོད་པའི་སྲོལ་ལམ། ཟབ་མོ་ལྟ་བའི་སྲོལ་ནི་ཤིང་རྟའི་སྲོལ་གཉིས་སོ་ལྟ་བུ།

{{#arraymap:ལམ་

|; |@@@ | | }}

ལམ་ (3)

Part of speech	ཕྲད་ཚིག
Definition	གདམ་ངའི་དོན་ལ་འཇུག་པ། གདམ་བྱའི་དོན་དུ་མའི་ནང་ནས་ཆོས་གང་རུང་ཞིག་འདེམས་པར་བྱེད་དུ་བཅུག་པ་སྟེ། སྦྱོར་ཚུལ་རྗེས་འཇུག་ལ་ཡིག་མཐར་ལམ་འཐོབ་པ་ཡིན།
Keyword	True
Example	ཁོང་རབ་བྱུང་གསུམ་པའི་ཆུ་སྦྲུལ་ལམ་ལྕགས་ཡོས་གང་རུང་ཞིག་ཏུ་འཁྲུངས་པར་ངེས་ལྟ་བུ།

{{#arraymap:ལམ་

|; |@@@ | | }}

ལམ་ (4)

Part of speech	ཕྲད་ཚིག
Definition	དྲི་བ་སྟོན་པ། དོན་གང་ཡིན་མ་ངེས་པའམ་བློ་གཉིས་སུ་ཕྱོགས་ཏེ་ཐེ་ཚོམ་ཟ་བ་སོགས་དྲི་བའི་དོན་ལ་འཇུག་པ་སྟེ། སྦྱོར་ཚུལ་རྗེས་འཇུག་ལ་ཡིག་མཐར་ལམ་འཐོབ་པ་ཡིན།
Keyword	True
Example	སྟོད་གོས་དེ་རལ་ལམ་ལྟ་བུ།

{{#arraymap:ལམ་

|; |@@@ | | }}