84048

ལས་ཀྱི་ཆོ་གའི་ངོ་བོ་ (1)

Part of speech	མིང་ཚིག
Definition	མདོ། འདུལ་བ། ལས་ཀྱི་ཆོ་གའི་ངོ་བོ་ནི་བརྗོད་པ་ཚང་བ་དང་། མ་ནོར་བ། མ་འཁྲུག་པ་ཞིག་དགོས་པ་ཡིན་ཏེ། དེ་ཡང་པཎ་ཆེན་གྱི་འདུལ་བ་ལུང་རིགས་ཉི་མ་ལས། གསུམ་པ་ལས་ཀྱི་ཆོ་གའི་ངོ་བོ་ཡོད་དེ། བརྗོད་པ་ཚང་བ། མ་ནོར་བ། མ་འཁྲུག་པ་ཞིག་དགོས་པའི་ཕྱིར། དང་པོ་གྲུབ་སྟེ། ལས་མ་ཉམས་པ་ཞིག་དགོས་པའི་ཕྱིར་ཏེ། ཉམས་ན་མ་བྱས་པ་ཉིད་དོ། །ཞེས་པའི་མདོ་ལས་སོ། །གཉིས་པ་གྲུབ་སྟེ། དཔེར་ན་མགུ་བ་སྦྱིན་པ་ལྟ་བུའི་ལས་མ་ཡིན་པ་ལ་དེའི་ལས་སུ་འདུ་ཤེས་ཏེ་བྱིན་ཡང་མི་འཆགས་པའི་ཕྱིར་ཏེ། དེས་བྱ་བ་ལས་མ་ཡིན་པས་མི་འཆགས་སོ་ཞེས་པའི་མདོ་ལས་སོ། །གསུམ་པ་གྲུབ་སྟེ། ལས་བྱེད་པའི་ཚེ་གྲལ་ནས་སོང་ན་ཚིག་མ་རྫོགས་པར་རྣམ་པར་འཁྲུགས་པ་སྟེ་ལས་མ་བྱས་པ་དང་འདྲ་བའི་ཕྱིར་ཏེ། བྱེད་པ་ཉིད་ན་སོང་ན་ཚིག་མ་རྫོགས་པ་རྣམ་པར་འཁྲུགས་པ་ཉིད་དོ་ཞེས་པའི་མདོ་ལས་སོ། །དང་པོའི་དམིགས་བསལ་ཡོད་དེ། ཕ་རོལ་པོས་དོན་གོ་བ་ན་གསན་དུ་གསོལ། ཞེས་པ་ལྟ་བུ་ཆད་པ་ལ་ལས་འཆགས་པའི་ཕྱིར་ཏེ། དགོངས་སུ་གསོལ་ཞེས་བྱ་བ་ལ་སོགས་པ་ལ་ནི་ཕ་རོལ་གྱིས་སེམས་གཏད་པ་ཉིད་གཙོ་བོ་ཡིན་ནོ་ཞེས་པའི་མདོ་ལས་སོ། །གཉིས་པའི་དམིགས་བསལ་ཡོད་དེ། བསྡིག་པ་ནན་ཏུར་བྱ་བའི་གཞི་ལ་དེ་བྱེད་པའི་བསམ་པས་སྨད་པ་ནན་ཏུར་གྱི་ལས་བྱས་པས་འཆགས་པའི་ཕྱིར་ཏེ། ནན་ཏུར་གྱི་རྒྱུ་གཞན་ལ་དེའི་དོན་དུ་བསམ་པས་གཞན་བྱེད་པ་ནི་འཆགས་སོ་ཞེས་པའི་མདོ་ལས་སོ། །གསུམ་པའི་དམིགས་བསལ་ཡོད་དེ། དོན་གོ་བ་ལ་མི་གནོད་ཕྱིན་ཚིག་གོང་འོག་འཁྲུགས་པ་ལ་ཡང་ལས་འཆགས་པའི་ཕྱིར་ཏེ། དོན་གྱི་སྐབས་དག་གི་གོ་རིམ་འཁྲུགས་པས་ནི་མི་འཆགས་པ་མ་ཡིན་ནོ་ཞེས་པའི་མདོ་ལས་སོ། །ཞེས་གསུངས།
Domain	ཆོས་ལུགས།