8405

གབ་པའི་གསང་བ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། གསང་བ་གསུམ་གྱི་ནང་གསེས་གབ་པའི་གསང་བ་སྟེ། སྤར་ཁབ་ལས། གབ་པའི་གསང་བ་ནི། རྒྱུད་ཀྱི་དོན་ཕུན་སུམ་ཚོགས་པ་དང་རང་བཞིན་གྱི་དོན་རྣམས། འཁྲུལ་པ་དང་རས་ཆོད་པ་རྣམས་ལ། གབ་པ་དེ་དང་དེ་ཚད་མ་གཉིས་ཀྱི་བདག་པོས་འབྱིན་པའོ། །ཞེས་དང་། དཀོན་ཅོག་འགྲེལ་ལས། གབ་པའི་གསང་བ་ལ་ཡང་དཔོན་སློབ་ཀྱི་དགོངས་པ་དང་། ཡི་གེ་དཀྱུས་ཀྱི་དབང་གི་སྒོ་གཉིས་སུ་ཕྱེ་བ་དང་། ཞེས་དང་། སྒྱུ་འཕྲུལ་གསང་སྙིང་གི་འགྲེལ་པ་རྒྱུད་དོན་རྣམ་ངེས་ལས། གང་དུ་ན་རང་བཞིན་རྒྱུད་ཀྱི་ཁོང་དུ། གང་ལ་ན་ལས་དང་པོ་པའམ་འཁྲུལ་པ་ཅན་ལ། གང་གབ་ན་བརྗོད་བྱ་རང་བཞིན་གྱི་གསང་བ་སྙིང་པོའི་དོན་ནོ། །དེ་གང་གིས་འབྱིན་ན་ལུང་ཚད་མའི་བདག་པོ་སངས་རྒྱས་ཀྱིས་སོ། །ཡང་ན། གང་དུ་ན་ཡི་གེའི་རྒྱུད་ཀྱི་ཁོང་དུ། གང་ལ་ན་རས་ཆོད་མཁན་ནམ་སྣོད་ངན་པ་ལ། གང་ན་མཚོན་བྱེད་ཡི་གེའི་རྒྱུད་དོན་གསང་བའི་སྙིང་པོ་འདིའོ། །དེ་གང་གིས་འབྱིན་ན་མན་ངག་ཚད་མའི་བདག་པོ་རྡོ་རྗེ་སློབ་དཔོན་གྱིས་འབྱིན་པ་ཡིན་ཏེ། ཇི་སྐད་དུ་ལེའུ་བཅུ་གསུམ་པ་ལས། ཡི་གེ་སྒྲ་བཏགས་མིང་ཚོགས་ལ། །བརྟེན་པའི་ཚིག་གིས་རབ་མཚོན་ཏེ། །ཁོང་ནས་གབ་སྦས་དོན་འབྱིན་པ། །སྟོན་པ་རྡོ་རྗེའི་ཐུགས་ལ་གནས། །ཞེས་གསུངས་པའི་ཕྱིར་རོ། །ཞེས་གསུངས།
Domain	[ཆོས་ལུགས།, ལྟ་གྲུབ།]