84064

ལས་ཀྱི་དབྱེན་ (1)

Part of speech	མིང་ཚིག
Definition	ལས་ཀྱི་དབྱེན་ནི་མཚམས་གཅིག་གི་ནང་དུ་བློ་མི་མཐུན་པས་གསོ་སྦྱོང་སོགས་ལས་བྱེད་པ་སྟེ། དེ་ནི་བསྟན་པ་ཡོད་པའི་གླིང་གསུམ་ན་ཡོད་ལ། ཕྱོགས་གཉིས་ཀྱི་དགེ་སློང་བཞི་བཞི་སྟེ་བརྒྱད་ཡན་ཆད་ཀྱིས་འགྲུབ་སྟེ་མཚམས་མེད་མིན་ནོ་ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། ། ལས་ཀྱི་དབྱེན་ནི་སྒྲ་མི་སྙན་མ་གཏོགས་པ་གླིང་གསུམ་ན་ཡོད་དེ་བསྟན་པ་ཡོད་པའི་ཕྱིར་རོ། །དེ་ཡང་མཚམས་ཀྱི་ནང་གཅིག་ཏུ་གསོ་སྦྱོང་ལ་སོགས་པའི་བློ་མི་མཐུན་པས་བྱེད་པའོ། །དགེ་སློང་དུ་ཞིག་གིས་ཤེ་ན། ལས་ཀྱི་དབྱེན་དེ་ནི་དགེ་སློང་བརྒྱད་དག་ཡན་ཆད་ཀྱིས་འགྲུབ་སྟེ། འདི་ལ་འབྱེད་པ་པོ་ལོགས་པ་མི་དགོས་པའི་ཕྱིར་རོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།