84098

ལས་ཀྱི་རྟོག་པ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། རྣམ་པར་རྟོག་པའི་རི་བོ་བཅུའི་ནང་གསེས་ཤིག་སྟེ། གང་རྐྱེན་དུ་འཚམས་པས་འདུལ་བའི་ཕྱིར་ལས་ཀྱི་རྟོག་པ་ཞེས་བྱ། འདིའི་དོན་མདོ་དགོངས་པ་འདུས་པ་ལས། ལངྐའི་བདག་པོ་ལས་ཀྱི་རྟོག་པ་གང་ཞེ་ན། འདི་ལྟ་སྟེ། སྡུད་པའི་ལས་དང། བདེ་བའི་ལས་དང་། སྣང་བའི་ལས་དང་། མཐའ་ཡས་པའི་ལས་དང་། ཐོགས་པ་མེད་པའི་ལས་དང་། མི་སྐྱོར་བའི་ལས་སོ། །ཞེས་པ་ལྟར་གཟི་ལྡན་འཆར་ཁའི་འོད་སྣང་ལས། ལས་ཀྱི་རྟོག་པ་གང་ཞེ་ན། འདི་ལྟ་སྟེ། དབང་ཕྱུག་ཆེན་པོའི་ཡོན་ཏན་བརྙེས་པའི་ཕྱིར་དུག་ལྔ་དབང་དུ་སྡུད་པར་མཛད་པའི་རྟགས་ལས་མཉེས་པས་ཐོད་ཁྲག་སྟོབས་པ་དང༌། འཇིགས་ཚུལ་སྦྲུལ་གྱི་རྒྱན་ལ་སོགས་པས་བརྗིད་པ་དང༌། བདག་གཞན་གྱི་དཔལ་མངའ་བའི་ཕྱིར་དཔའ་བས་འཇིགས་ཤིང་ཉམ་ང་མེད་པར་བདེ་བ་མཆོག་དང་ལྡན་པའི་རྟགས་ལས་ཁ་ཊྭཾ་བསྣམས་པ་སོགས་ཀྱིས་རྔམ་པ་དང༌། མཚན་དང་དཔེ་བྱད་ཀྱི་སྐུ་མཆོག་མངའ་བའི་ཕྱིར་མི་ཐུང་བྱིས་པ། དྲང་སྲོང་ཁྲོས་པ། གནོད་སྦྱིན་རྔམ་བརྗིད། འདུལ་དབང་སྲིན་པོའི་ཚུལ་གྱི་སྐུ་མཐའ་ཡས་པ་སྣང་བའི་རྟགས་ལས་འཁོར་ལོ་བསྣམས་པ་སོགས་ཀྱིས་འཇིགས་པ་དང༌། རིལ་དུ་གྲགས་པ་ཕུན་སུམ་ཚོགས་པ་མངའ་བའི་ཕྱིར་སྐུ་གསུང་ཐུགས་ཆོས་ཀྱི་ཕུང་པོ་གྲགས་པ་མཐའ་ཡས་པའི་རྟགས་ལས་རྔེའུ་ཆུང་བསྣམས་པ་ལ་སོགས་པས་མཛེས་པ་དང༌། ཅིས་ཀྱང་མ་གོས་པའི་ཡེ་ཤེས་མངའ་བའི་ཕྱིར་རྣམ་པ་ཐམས་ཅད་མཁྱེན་ཅིང་ཉོན་མོངས་ཀྱི་དྲྭ་བ་གཅོད་པ་ལ་ཐོགས་པ་མེད་པའི་རྟགས་ལས་རལ་གྲི་བསྣམས་པ་སོགས་ཀྱིས་འཕགས་པ་དང༌། དུས་གསུམ་དུ་རྒྱུན་མ་ཆད་པར་གདུལ་བྱ་ཆུད་མི་གསོན་པའི་བརྩོན་འགྲུས་ཆེན་པོའི་གོ་ཆ་མངའ་བའི་ཕྱིར་ཕྲིན་ལས་དུས་གཅིག་གྲུབ་པ་ལས་སླར་ཡང་མི་སྐྱོར་བའི་ནན་ཏན་མཆོག་གི་རྟགས་ལས་རྡོ་རྗེ་རྒྱ་གྲམ་བསྣམས་པ་སོགས་ཀྱིས་གནོན་པ་སྟེ། ཞེས་གསུངས་སོ། །
Domain	ཆོས་ལུགས།