84234

ལས་ཕྲན་ཚོགས་བརྒྱད་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ལས་ཕྲན་ཚོགས་བརྒྱད་ནི། གསང་སྔགས་ཀྱི་ཉམས་ལེན་ལ་བརྟེན་ནས་རྣམ་ཤེས་ཚོགས་བརྒྱད་དག་ཅིང་རིག་པའི་ཡེ་ཤེས་ལ་རང་དབང་ཐོབ་པའི་རྣལ་འབྱོར་པས་ཡི་གེ་སྤྲིན་གྱི་ཏིང་ངེ་འཛིན་གྱི་སྒོ་ནས་སྒྲུབ་ནུས་པའི་ལས་ཚོགས་ཕྲན་བུ་དག་སྟེ། ཕྱོགས་བཅུའི་མུན་སེལ་ལས། རྣམ་ཤེས་བརྒྱད་དག་པའི་རྟགས་སུ་ལས་ཕྲན་ཚོགས་བརྒྱད་ཀྱི་གྲུབ་ཚུལ་ནི། ཀུན་གཞིའི་རྣམ་ཤེས་ལ་སོགས་པ་བརྒྱད་དག་ཅིང་རིག་པའི་ཡེ་ཤེས་ལ་དབང་ཐོབ་པའི་ཚེ་བསྒྲུབ་བྱ་རང་གི་མདུན་དུ་དགུག་པ་དང་། ཡུལ་གཞན་དུ་བཏང་བ་བསྐྲད་པ་དང་། དགྲ་དང་ཆོམ་རྐུན་ལ་སོགས་པ་བཅིང་བ་དང་། བྱད་དང་གནོད་པ་ཐམས་ཅད་དགྲོལ་བ་དང་། རིམས་དང་དུག་ལ་སོགས་པ་གསོ་བ་དང་། ཕ་རོལ་གྱི་དགྲ་བགེགས་གསད་པ་དང་། དགྲའི་སྡེ་རབ་ཏུ་འཕམ་པར་བྱ་བ་དང་། རང་གི་སྡེ་རྒྱལ་བར་བྱ་བའི་ལས་ཐམས་ཅད་ཡི་གེའི་སྤྲིན་གྱི་ཏིང་ངེ་འཛིན་འདི་ཡིས་བྱེད་པར་འགྱུར་རོ། །ཞེས་གསུངས་སོ། །
Domain	ཆོས་ལུགས།