84245

ལས་བཞི་རྡོ་རྗེ་བསྐོས་ཀྱི་ལེའུ་ (1)

Part of speech

མིང་ཚིག

Definition

མདོ་དགོངས་པ་འདུས་པའི་ལེའུ་ཉི་ཤུ་རྩ་དྲུག་པ་ཡིན། ལེའུ་འདི་རྒྱུད་དེའི་བཤད་རྒྱུད་དུ་གཏོགས་ཤིང་། ནང་དོན་ལ་བྱུང་ཚུལ་བཅུ་གཉིས་ཀྱི་དྲུག་པ་གདུལ་བྱ་སྐབས་ལ་བབ་པའི་བྱུང་ཚུལ་ལས་གཉེན་པོས་བདུད་བཏུལ་བའི་སྔོན་དུ་བྱ་བའི་སྦྱོར་བ་ལས་སྐོས་གདབ་པ་ལ། ལས་ཀྱི་སྐོས་རྒྱལ་བ་རྣམས་ལ་བསྐུལ་བ་དང་བསྐུལ་བ་བཞིན་བདུད་བཏུལ་བའི་སྦྱོར་བ་མཛད་ཚུལ་བཅས་བསྟན། རྒྱུད་ཆེན་པོ་འདིའི་ལུགས་ལ་ཆོས་ཉིད་བརྒྱུད་ནས་སྟོན་པ་དང་ཅར་ཕོག་ཏུ་སྟོན་པ་ལ་དྲང་དོན་ངེས་དོན་དུ་བྱས་པའི་ལེའུ་འདིས་དྲང་དོན་སྟོན་ཞེས་གཟི་ལྡན་འཆར་ཁའི་འོད་སྣང་དུ་གསལ་སོ། །