84587

ལུ་གུ་མེ་ཏོག་ (1)

Part of speech

མིང་ཚིག

Definition

ལོ་རེ་བཞིན་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་སྟེ། རྩ་བ་ཨ་ར་འདྲ་བའི་རྩྭ་ཕྲན་ཡོད་པ་དང༌། ལོ་མ་ལྗང་སྐྱ་ཆུང་ལ་ཉག་ཅན་ས་ལ་འབྱར་ནས་སྐྱེ་ཞིང༌། གཞི་རྩ་ནས་སྐྱེ་བའི་ལོ་མ་རྣམས་ཀྱི་དབུས་ནས་མེ་ཏོག་དམར་པོ་ཆུང་ལ་མཚར་བ་པདྨ་རྭ་གའི་མདོག་དང་འདྲ་བ་བཞི་ལྔ་ཙམ་དཔྱིད་ཀ་ཐོག་མར་འཆར་བ་སྟེ། བོད་ཀྱི་ས་གནས་ཡོངས་སུ་ནེའུ་གསིང་དང༌། ན་གཤོངས་ཀྱི་སྤང་སོགས་བཞའ་ཚན་ཆེ་སར་སྐྱེ་བ་མང༌། མེ་ཏོག་བོད་ཟླ་བཞི་པ་ཙམ་ལ་བཏུས་ཏེ་གཙང་མ་བཟོས་རྗེས་བསིལ་སར་བསྐམས་ནས་སྨན་དུ་སྤྱོད་རྒྱུ། རོ་མངར་བ། ཞུ་རྗེས་མངར་བ། ནུས་པ་བསིལ་བས་སྐྲངས་པོའི་རིགས་འཇོམས་པ་དང༌། རྨ་གསོ་བ། སྦྲང་ཆར་དང་སྦྱར་ན་ཆུ་སེར་སྐེམ་པར་བྱེད་པ་ཡིན།