84695

ལུང་གི་ཆོས་ (1)

Part of speech	མིང་ཚིག
Definition	ལུང་གི་ཆོས་ནི་མདོ་སྡེ་དང་འདུལ་བ་དང་མངོན་པའི་སྡེ་སྣོད་གསུམ་ཡིན་ཏེ། རིམ་པ་ལྟར་དང་པོས་ནི་བསླབ་པ་གསུམ་དང་གཉིས་པས་ནི་ཚུལ་ཁྲིམས་དང་ལྡན་ན་འགྱོད་པ་མེད་པ་ལ་སོགས་པའི་རིམ་གྱིས་ཏིང་ངེ་འཛིན་འཐོབ་པའི་ཕྱིར་སེམས་ཀྱི་བསླབ་པ་དང་ཚུལ་ཁྲིམས་ཀྱི་བསླབ་པ་དང་། གསུམ་པས་ནི་དོན་ཕྱིན་ཅི་མ་ལོག་པར་རབ་ཏུ་འབྱེད་པས་ཤེས་རབ་ཀྱི་བསླབ་པ་སྒྲུབ་པའི་ཕྱིར་དང་། བླང་དོར་གྱི་གནས་ལ་ཐེ་ཚོམ་ཟ་བ་དང་། སྤྱོད་པ་མཐའ་གཉིས་ལ་སྦྱོར་བ་དང་། ལྟ་བ་མཆོག་ཏུ་འཛིན་པའི་གཉེན་པོ་བྱེད་པའི་ཕྱིར་དང་། བླང་དོར་གྱི་གནས་སྟོན་པ་དང་། དེ་བླང་དོར་གྱིས་སྒྲུབ་པ་དང་། འབེལ་གཏམ་ལ་མཁས་པར་བྱེད་པའི་ཕྱིར་རོ། །དེ་སྐད་དུ་ཡང་མདོ་སྡེའི་རྒྱན་ལས། སྡེ་སྣོད་དག་ནི་གསུམ་མམ་གཉིས་ཀྱང་རུང་། །བསྡུས་པའི་ཕྱིར་དེའི་རྒྱུ་ནི་དགུས་འདོད་དོ་ཞེས་བཤད་དོ། །སྡེ་སྣོད་གསུམ་པོ་དེ་དག་ལ་ཐོས་པ་དང་བསམ་པ་དང་ཞི་གནས་དང་ལྷག་མཐོང་གི་སྒོམ་པ་བྱས་པས་རིམ་པ་ལྟར་སེམས་ལ་བག་ཆགས་འཇོག་པ་དང་། རྟོག་པར་བྱེད་པ་དང་། སེམས་ཞི་བར་བྱེད་པ་དང་། རབ་ཏུ་རྟོགས་པའི་སྒོ་ནས་སྤང་བྱ་ལས་རྣམ་པར་གྲོལ་བར་བྱེད་དེ་དེ་ཉིད་ལས། དེ་ནི་བག་ཆགས་རྟོགས་དང་ཞི་བ་དང་། །རབ་ཏུ་རྟོགས་པས་རྣམ་པར་གྲོལ་བར་བྱེད་ཅེས་འབྱུང་ངོ་། །དེ་ལྟར་ན་བསྟན་པ་དམ་པའི་ཆོས་ནི་ལུང་དང་། སྒྲུབ་པ་དང་། འབྲས་བུའི་ཆོས་གསུམ་དུའང་འགྱུར་རོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།