84871

ལུས་ཀྱི་ཐོག་མཐའི་རྒྱུ་ལ་བཏགས་པར་བྱ་བ་བཅུ་གཉིས་ (1)

Part of speech	མིང་ཚིག
Definition	དཀོན་བརྩེགས་འཕགས་པ་ཁྱིམ་བདག་དཔལ་བྱིན་གྱིས་ཞུས་པའི་མདོ་ལས་བྱུང་བ་སྟེ། ༡ ཕ་མའི་ཁུ་ཆུ་དང་། ཁྲག་འདུས་པ་ལས་ལུས་འབྱུང་སྟེ། འདི་ལ་ཁུ་ཆུ་དང་། ཁྲག་ནི་ལུས་ཀྱི་ཐོག་མའི་རྒྱུ་ཡིན་ནོ། ། ༢ ཐ་མའི་རྒྱུ་ནི་ཟས་འཇུ་བ་ལ་སོགས་པ་སྟེ། ཁམ་གྱི་བཟའ་བའི་ཟས་ཟོས་མ་ཐག་ཏུ་བད་ཀན་གྱི་གནས་སུ་འགྲོའོ། ། ༣ བད་ཀན་གྱི་གནས་སུ་ཕྱིན་ནམ། བད་ཀན་གྱིས་རྐྱང་རྐྱང་པོར་བྱས་ཏེ། ཤིན་ཏུ་མི་གཙང་བར་འགྱུར་རོ། ། ༤ དེའི་འོག་ཏུ་མཁྲིས་པའི་གནས་སུ་འགྲོ་སྟེ། མཁྲིས་པའི་གནས་སུ་ཕྱིན་ནས་ཞུ་ཞིང་སྐྱུར་པོར་འགྱུར་ཏེ། རླུང་གི་གནས་སུ་འགྲོའོ། ། ༥ ཞུས་ཏེ་རླུང་གི་གནས་སུ་ཕྱིན་ནས། རླུང་གིས་ཚིགས་མ་ལོགས་ཤིག དྭངས་མ་ལོགས་ཤིག་ཏུ་རྣམ་པར་འབྱེད་དེ། ཚིགས་མ་ལས་ནི་གཅིན་དང་ངན་སྐྱུགས་ལ་སོགས་ཏེ། དྲི་མ་རྣམས་འབྱུང་ངོ་། ། ༦ དྭངས་མ་ལས་ནི་ཁྲག་ཏུ་འགྱུར་རོ། ། ༧ ཁྲག་ལས་ཤའོ། ། ༨ ཤ་ལས་ཚིལ་ལོ། ། ༩ ཚིལ་ལས་རུས་པའོ། ། ༡༠ རུས་པ་ལས་རྐང་ངོ་། ། ༡༡ རྐང་ལས་ཁུ་ཆུའོ། ། ༡༢ ཁུ་ཆུ་ལས་ལུས་འདི་ལྟ་སྟེ། དེ་ལྟར་ཐོག་མ་དང་། ཕ་མའི་རྒྱུ་མི་གཙང་བའི་ཕྱིར། ལུས་མི་གཙང་བར་བྱང་ཆུབ་སེམས་དཔས་བསམ་པར་བྱའོ། །
Domain	ཆོས་ལུགས།