84898

ལུས་ཀྱི་རུས་པ་རྒལ་ཚིགས་སོགས་རུས་པའི་དུམ་བུ་སུམ་བརྒྱ་དྲུག་ཅུ་ (1)

Part of speech	མིང་ཚིག
Definition	༡ མཚོག་གསང་ནས་ལྟག་པའི་སྡུད་སྒོ་གཡས་གཡོན་དུ་ཐོད་པའི་རུས་དུམ་གཉིས། ༢ ལྟག་པའི་སྡུད་སྒོ་ནས་ལྟག་རྒྱབ་བར་ན་ལྟག་པའི་རུས་དུམ་གཅིག ༣ སྨིན་དབྲག་ནས་མཚོག་མ་བར་ན་དཔྲལ་བའི་རུས་དུམ་གཅིག ༤ རྣ་ལྟག་གཡས་གཡོན་དུ་རྣ་ལྷན་གྱི་རུས་དུམ་གཉིས། ༥ སྨིན་དབྲག་དབུས་ཀོང་དུ་གནས་པ་མིག་དབྲག་གི་རུས་དུམ་གཅིག ༦ སྣ་ཡི་སྒྲོམ་མམ་གཡས་གཡོན་མཚུལ་པའི་རུས་དུམ་གཉིས། ༧ མིག་རུས་སམ་མིག་ཆུའི་རུས་དུམ་གཉིས། ༨ འགྲམ་པ་གཡས་གཡོན་དུ་མཁུར་ཚོས་རུས་དུམ་གཉིས། ༩ རྣ་བ་གཡས་གཡོན་དུ་སྒྲ་ལེན་རུས་དུམ་གསུམ་རེ་སྟེ་དྲུག ༡༠ ཡ་མགལ་གྱི་རུས་དུམ་གཉིས། ༡༡ རྐན་གྱི་རུས་དུམ་གཉིས། ༡༢ རྐན་ཕུགས་སམ་མཚུལ་འོག་ཏུ་གནས་པ་ཐོང་གཤོལ་འདྲ་བའི་རུས་གཉིས། ༡༣ ལྕེ་རྩའི་རུས་པ་དུམ་བུ་གཅིག ༡༤ མ་མགལ་གྱི་རུས་དུམ་གཅིག་བཅས་དུམ་བུ་ཉི་ཤུ་རྩ་བདུན་སྟེང་། ༡༥ སོ་ཡི་གྲངས་སྨྲ་བརྗོད་སོགས་ལ་གཅེས་པའི་མདུན་སོ་བཞི་རེ་སྟེ་བརྒྱད། ༡༦ མཛེས་བྱེད་ཀྱི་མཆེ་བ་གཉིས་རེ་སྟེ་བཞི། ༡༧ ཟས་སོགས་གཅོད་བྱེད་ཀྱི་འགྲམ་སོ་བརྒྱད་རེ་སྟེ་བཅུ་དྲུག ༡༨ མཐའ་བཞི་པོར་སོ་ཆུང་རེ་སྟེ་བཞི་བཅས་བསྡོམས་པས་མགོ་བོ་སྤྱི་ལ་རུས་དུམ་ང་དགུ་མཆིས་པའོ། །༡༩ བྱང་ཁོག་གི་རུས་དུམ་ནི། སྒལ་ཚིགས་ལ་འཕང་ལོ་དང་། བྱ་འདབ་གཡས་གཡོན་གཉིས། ༢༠ དབུས་ཀྱི་སྒྲོ་གཟོ་མ་བཅས་ཆེར་གསལ་བའི་ཚིགས་པ་ཉེར་བཞི་གྲངས་བཞི་ཡིས་བསྒྱུར་བས་གོ་དྲུག ༢༡ ཆེར་མི་གསལ་བའི་ཚིགས་པ་བརྒྱད་བསྣན་པས་བརྒྱ་དང་བཅུ་མེད་བཞི། ༢༢ རྩིབས་མ་གཡས་གཡོན་བཅུ་གཉིས་རེ་སྟེ་ཉེར་བཞི། ༢༣ བྲང་རུས་གཡས་གཡོན་དང་འབྲེལ་བའི་ནམ་ཚོང་གི་རྩིབས་ཐུང་འཁྱོག་པོ་གཉིས། ༢༤ རྩིབས་རིང་གཡས་གཡོན་ལྔ་སྟེ་བཅུའི་སྣར་ཁྲུང་ཁྲུང་པ་རེ་བཅུ་གཉིས། ༢༥ མ་འབྲེལ་བ་ལྷག་མ་བཅུ་གཉིས་པོའི་སྣ་སྒོར་ཁྲུང་ཁྲུང་རེ་བརྩིས་པའི་གཡས་གཡོན་གཉིས་བཅས་བསྡོམས་རྩིབས་མའི་ཁྲུང་རུས་བཅུ་བཞི། ༢༦ བྲང་རུས་གཡས་གཡོན་ལ་དྲུག་དྲུག་སྟེ་བཅུ་གཉིས། ༢༧ ལྷེན་རུས་གཅིག ༢༨ སོག་རུས་གཉིས། ༢༩ སྒྲོག་རུས་གཉིས། ༣༠ དཔྱི་རུས་གཉིས་བཅས་འདྲིལ་བས་བྱང་ཁོག་གི་རུས་དུམ་བརྒྱ་དང་རེ་གཅིག ༣༡ ལག་པར་དཔུང་རྐང་གཉིས། ༣༢ ལག་ངར་ཆེ་ཆུང་བཞི། ༣༣ མཁྲིག་མ་དང་པྲན་རྩེའི་མཚམས་ན་རུས་དུམ་བརྒྱད་རེ་སྟེ་བཅུ་དྲུག ༣༤ མཐེ་བོང་ལ་གསུམ་གསུམ་སྟེ་དྲུག ༣༥ སོར་མོ་གཞན་བརྒྱད་ལ་བཞི་རེ་སྟེ་རུས་དུམ་སོ་གཉིས། ༣༦ སེན་མོ་གཡས་གཡོན་ལ་ལྔ་རེ་སྟེ་བཅུ་བཅས་འདྲིལ་བས་བདུན་ཅུ་ཐམ་པ། ༣༧ རྐང་པར་བརླ་རྐང་གཡས་གཡོན་རུས་དུམ་གཉིས། ༣༨ ལྷ་ངའི་རུས་དུམ་གཉིས། ༣༩ རྗེ་ངར་ཆེ་ཆུང་གཉིས་རེ་སྟེ་བཞི། ༤༠ རྟིང་རུས་སམ་སྲེ་ལོང་རུས་དུམ་ཆེ་འབྲིང་ཆུང་གསུམ་རེ་སྟེ་དྲུག ༤༡ རྒྱ་ཚིགས་མཚམས་ན་རུས་དུམ་བཞི་རེ་སྟེ་བརྒྱད། ༤༢ མཐེ་བོང་གཉིས་ལ་རུས་དུམ་གསུམ་རེ་སྟེ་དྲུག ༤༣ སོར་མོ་གཞན་བརྒྱད་ལ་རུས་དུམ་བཞི་རེ་སྟེ་སོ་གཉིས། ༤༤ སེན་མོ་གཡས་གཡོན་ལ་ལྔ་རེ་སྟེ་བཅུ་བཅས་རྐང་པ་ལ་རུས་དུམ་བདུན་ཅུ་ཐམ་པ་སྟེ་ཡན་ལག་བཞི་བསྡོམས་པས་རུས་དུམ་བརྒྱ་དང་བཞི་བཅུའོ། །དེས་ན་ལུས་ཐ་མལ་བ་ན་ཚོད་དར་ལ་བབས་ཤིང་དབང་པོའི་བྱེ་བྲག་ཀུན་ལྷག་ཆད་ཀྱི་མཐའ་དང་བྲལ་བའི་སྐྱེས་བུའི་ལུས་ཁམས་ཀྱི་རུས་པའི་ལྡང་ཚད་དུམ་བུར་དབྱེ་ནས་བསྟན་ན་མགོ་བོར་ང་དགུ་དང་། བྱང་ཁོག་ལ་བརྒྱ་དང་རེ་གཅིག ཡན་ལག་བཞི་ལ་བརྒྱ་དང་བཞི་བཅུ་བཅས་བསྡོམས་པས་སུམ་བརྒྱ་དྲུག་ཅུའོ། །
Domain	གསོ་རིག

{{#arraymap:ལུས་ཀྱི་རུས་པ་རྒལ་ཚིགས་སོགས་རུས་པའི་དུམ་བུ་སུམ་བརྒྱ་དྲུག་ཅུ་

|; |@@@ | | }}