8511

གཙང་རབ་གསལ་ (1)

Part of speech

མིང་ཚིག

Definition

དུས་རབས་དགུ་པའི་སྟོད་དུ་འཇད་འཁྱེལ་དུ་སྐུ་འཁྲུངས། རབ་བྱུང་དང་། དགེ་ཚུལ་དགེ་སློང་གི་སྡོམ་པ་རིམ་གྱིས་བཞེས། མདོ་སྔགས་ཀྱི་གཞུང་ལུགས་ལ་ནང་བྱན་ཆུད་པ་མཛད། ཆུ་ཕག་ཕྱི་ལོ་ ༨༤༣ ལོར་རྒྱལ་པོ་གླང་དར་མ་འུ་དུམ་བཙན་པོས་དབུས་གཙང་གི་སངས་རྒྱས་བསྟན་པ་བསྣུབས་ཏེ། རབ་ཏུ་བྱུང་བ་རྣམས་ལ་རི་དྭགས་བརྔོན་དུ་བཅུག་པའི་ཚུལ། དཔལ་ཆུ་བོ་རི་ལ་སྒྲུབ་པ་ཉམས་ལེན་མཛད་པའི་དགེ་སློང་གཙང་རབ་གསལ་གྱིས་རིག་སྟེ། རི་དྭགས་བདའ་མཁན་བཙུན་པ་ཨད་དན་ཅིག་པ་དང་། ལྷ་ལུང་འཚག་པོ། ཞ་སྔ་ཁྱམས་པོ་གསུམ་ལ་རབ་ཏུ་བྱུང་། རི་དྭགས་བདའ་དགོས་དོན་ཞིབ་ཏུ་དྲིས་པའི་ལན་དུ། བཙུན་པ་གསུམ་པོས་མགྲིན་གཅིག་ཏུ་རྒྱལ་པོ་དར་མས་དབུས་གཙང་གི་སངས་རྒྱས་ཀྱི་བསྟན་པ་བསྣུབས་ཏེ། རབ་བྱུང་རྣམས་ལ་བཀའ་ཆད་ཕོག་པའི་ཚུལ་རྣམས་ཞུས། དགེ་སློང་གཙང་རབ་གསལ་དང་། དམར་ཤཱཀྱ་མུ་ནེ། གཡོ་དགེ་བའི་འབྱུང་གནས་གསུམ་གྱིས་སྤྲང་ཆས་སྤྲད་དེ། དམ་ཆོས་འདུལ་བ་དྲེའུའི་ཁལ་གཅིག་བཀལ་ནས་དཔལ་ཆུ་བོ་རི་ལས། སྟོད་མངའ་རིས་བརྒྱུད་བྱང་ལམ་དེད་དེ། མདོ་སྨད་ལྷོ་ངོས་བེ་རིའི་ས་ཆ་དེའུ་ཚྭ་མཚོ་རྒྱུད་རྨ་ལུང་རྡོ་རྗེའི་བྲག་དན་རིག་ཤེལ་གྱི་ཡང་དགོན་དུ་བདེ་བར་ཕེབས། བོད་ལུགས་ཤིང་ཕོ་སྟག་ཕྱི་ལོ་ ༨༩༤ ལོར་བླ་ཆེན་དགོངས་པ་རབ་གསལ་གྱིས་གཙང་རབ་གསལ་དང་། དམར་ཤཱཀྱ་མུ་ནེ། གཡོ་དགེ་བའི་འབྱུང་གནས་གསུམ་ལས་རབ་བྱུང་དང་། དགེ་ཚུལ་སློང་གི་སྡོམ་པ་དཀྱུས་གཅིག་ཏུ་མནོས། བོད་ཡུལ་དུ་འདུལ་བའི་བསྟན་པ་མི་ནུབ་པའི་ས་བོན་བསྐྲུན་པ་ཡིན། བོད་ཀྱི་ལོ་རྒྱུས་ཐོག་ཏུ་གྲགས་པའི་མཁས་པ་མི་གསུམ་ནང་གི་ཡ་གྱལ་ཞིག་ཡིན།

{{#arraymap:གཙང་རབ་གསལ་

|; |@@@ | | }}