85117
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | སློབ་དཔོན་ཕྱོགས་ཀྱི་གླང་པོའི་ཚད་མ་ཀུན་བཏུས་གྱི་འགྲེལ་པར། དཔལ་ཆོས་ཀྱི་གྲགས་པས་བརྩམས་པའི་ཚད་མ་སྡེ་བདུན་གྱི་ནང་ཚན་ཞིག། དེ་ཡང་པཎ་ཆེན་བསོད་ནམས་གྲགས་པའི་རྣམ་འགྲེལ་དགོངས་པ་རབ་གསལ་ལས། ཚད་མ་ཀུན་ལས་བཏུས་པ་ལེའུ་དྲུག་གི་བདག་ཉིད་ཅན་རང་འགྲེལ་དང་བཅས་པ་མཛད་ཅིང་། དེའི་དགོངས་འགྲེལ་དུ་དཔལ་ཆོས་ཀྱི་གྲགས་པས་རྒྱས་པའི་བསྟན་བཅོས་ཚད་མ་རྣམ་འགྲེལ། ཅུང་ཟད་བསྡུས་པ་ཚད་མ་རྣམ་ངེས། ཤིན་ཏུ་བསྡུས་པ་ཚད་མ་རིགས་ཐིགས་ཏེ་གཙོ་བོ་ལུས་ལྟ་བུའི་བསྟན་བཅོས་གསུམ། ཞེས་དང་། ལུས་དང་ཡན་ལག་ལྟ་བུར་འགྱུར་ཚུལ་དང་། ལུས་ལ་རྒྱས་འབྲིང་བསྡུས་གསུམ་དུ་ཕྱེ་བའི་དོན་ཡང་ཡོད་དེ། བསྟན་བཅོས་དང་པོ་གསུམ་གྱིས། རིགས་སྒོར། མངོན་སུམ་དང་ནི་རྗེས་སུ་དཔག། །ལྟར་སྣང་བཅས་པ་བདག་རིག་ཕྱིར། །སྒྲུབ་པ་དང་ནི་སུན་འབྱིན་ངག ། ལྟར་སྣང་བཅས་པ་གཞན་རྟོགས་ཕྱིར། །ཞེས་གསུངས་པ་ལྟར་གྱི་རྟོག་གེའི་ཚིག་དོན་བརྒྱད་ལས། ཡང་དག་བཞི་ཚང་བར་བསྟན་བྱའི་གཙོ་བོ་དང་ལྟར་སྣང་བཞི་ཞར་བྱུང་གི་ཚུལ་དུ་ཚང་བར་སྟོན་པས་ལུས་ལྟ་བུ་དང་། ཞེས་དང་། དང་པོ་གསུམ་གྱིས་རྟོག་གེའི་ཚིག་དོན་བརྒྱད་སྟོན་པ་ཚིག་གམ་དོན་གྱི་ཆ་ནས་རྒྱས་འབྲིང་བསྡུས་གསུམ་དུ་འགྱུར་བའི་ཕྱིར། ཞེས་གསུངས་སོ། ། |
| Domain | ཚད་མ། |
{{#arraymap:ལུས་ལྟ་བུའི་བསྟན་བཅོས་གསུམ་
|; |@@@ | | }}