85553

ལོ་རས་གྲགས་པ་དབང་ཕྱུག་ (1)

Part of speech

མིང་ཚིག

Definition

ཡབ་རྣལ་འབྱོར་ཤེས་རབ་དང་། ཡུམ་མེ་བཟའ་སྐྱིད་ལ་རབ་བྱུང་གསུམ་པའི་ས་ལུག་ ༡༡༩༩ ལོར་འཁྲུངས། མཚན་ལོ་བདེ་བ་སྐྱོང་། ལོ་གསུམ་བཞི་ནས་འབྲི་ཀློག་མཁྱེན། ལོ་ལྔ་དྲུག་ནས་ཆོས་ལ་འབྲོས་པར་བརྩམས། ཡབ་ཡུམ་གྱིས་བག་མ་བསུས་ཀྱང་། བདུན་པ་ལ་བྲོས་ནས་འབྲུག་ཏུ་སླེབས། སྐྱོར་མོ་ལུང་དུ་སྐྲ་བཅད། མཚན་གྲགས་པ་དབང་ཕྱུག་ཏུ་གསོལ། བདས་མི་བྱུང་ནས་སླར་ཇོ་མོ་དང་ལྷན་ཅིག རྐང་པ་ལྕགས་ཀྱིས་བསྡམ་ཀྱང་མ་ཆགས་པར། ཡང་ཆོས་རྗེའི་དྲུང་དུ་བྱོན། གདམས་ངག་རྣམས་གསན། བཅུ་གསུམ་ལ་ཁ་རག་ཕུག་ཏུ་བྱོན། དེར་ཇོ་དན་ཀུན་རྒྱལ་ཕྱག་ཕྱིར་འབྱོར། ཁོ་བསོད་སྙོམས་ལ་སོང་བའི་ཤུལ་དུ་ཁ་བ་ཆེན་པོ་བབ་པས་ཁོ་མ་ཐར། སྙིང་རུས་ཆེན་པོས་ཕྱི་ནས་བསྐོས། ཆོས་རྗེས་ནང་ནས་བརྐོས་པས་ཐུག་ཙམ་བྱུང་། དེར་སྙུན་གཞི་ལྕི་བ་བྱུང་བས། སྡིག་སྒྲིབ་དག་པའི་རྟགས་བཟང་། དེར་ལོ་གསུམ་བཞུགས། དེ་རྗེས་གནམ་མཚོ་ཕྱུག་མོའི་དོ་ལ་སྒོམ་པར་བྱོན། དེ་དུས་མཚོ་རུལ་དར་མ་ཆགས་པ་ལ། ཉ་པ་གཞོན་ནུ་ཞིག་གིས་དང་བླངས་བྱས། དེའི་ཕུ་བོ་ན་རེ། ཁྱོད་ལས་ང་དྲག་ཨེ་འོང་ཟེར། རྫིངས་ཆུང་ངུ་ཞིག་བཏང་ནས་མཚོའི་དཀྱིལ་ཙམ་སླེབས་པ་ན་རླུང་དམར་འཁྲུགས། དེའི་རྦ་རླབས་ལོངས་ནས། ཉ་པ་ན་རེ། ངས་མ་ཕྱིན་ན་དྲག་བྱས་པས་ཁྱོད་ཀྱི་མ་ཉན། ད་འཆི་བ་ལས་མེད་ཟེར། མོས་གུས་ཀྱི་གདུང་བས་ཆོས་རྗེ་མངོན་སུམ་དུ་ཕེབས་ནས། བུ་འཇིགས་པ་མེད་དོ། །གསུང་སྙམ་པ་ཞིག་ལ། རྦ་རླབས་ཞི། དོའི་རྩ་ན་ཕེབས་དུས། ཉ་པའང་དད། དེར་ཕྱེ་ཁུར་གཅིག་ལ། བགོ་བཤའ་མཛད་ནས ལོ་གཉིས་ཀྱི་གསོལ་རྒྱགས་མཛད། སྐབས་ཤིག་ན་དར་ཆགས་ནས། ཕྱི་དོར་བྱོན། སླར་ནང་དུ་འབྱོན་རྩིས་ལ། རྐྱེན་ཞིག་གིས་ཞྭ་མོ་དོ་ལ་བྱོན། དེར་ཉེ་གནས་དགེ་འདུན་དར་ཞག་ཤས་བསྡད་ནས་འགྲོ་རྩིས་ལ། དར་ཞིག་ནས་ནང་དུ་ལུས། ཁོང་ལ་གྲོ་ཆས་མང་བར་ཡོད་ཀྱང་སྲི་མ་ཤེས་པས་ཟད། འཚོ་བ་དཀའ་ཐུབ་ངང་ཡུན་རིང་བཞུགས། ཆོས་རྗེས་སྣ་དྲངས་ནས། ཕ་རོལ་རུ་གསེབ་ཞིག་ཏུ་སླེབ་པའི་ཚེ། དགོང་མོ་རི་ལ་ཕྱུག་འཚོར་འགྲོ་བ་རྣམས་ལོག་ནས། དེ་རིང་རུ་གསེབ་ཏུ་བཙུན་པ་གཉིས་མ་བྱུང་ངམ། ཞྭ་མོ་དོ་ནས་ཁོང་གཉིས། ཆུ་ལ་མ་བྱིང་བར་འབྱོན་སོང་ཟེར་བས་ཀུན་དད། དེར་དབུ་རི་དགོན་བཏབ་ནས། ཕྲིན་ལས་དང་པོ་དེར་བསྐྱངས། གདམས་ངག་གི་གཙོ་བོ་ཐུབ་པ་ལྔ་ལ་མཛད། རྫོང་སྒོའི་གངས་ལ་བཞུགས། དེར་འགོ་ཡུལ་དགོན་པ་དང་དཀར་པོ་ཆོས་ལུང་དགོན་བཅས་བཏབ། འདུས་པ་ཁྲི་ཙམ་ཚོགས། རྒྱུན་དུ་ཉིས་སྟོང་ལྷག་འདུས་ཏེ་ཕྲིན་ལས་བར་པ་དེར་བསྐྱངས། བརྒྱད་བརྒྱ་ཙམ་རི་ལ་བཀྱེ། ཆོས་ལུང་དུ་འདག་སྦྱར་ལྔ་བརྒྱ་ཙམ་བཅུག སྟོང་ལྷག་ཙམ་ཞིག་ཕྱག་ཕྱིར་ཁྲིད་དེ། ལྷོ་བྲག མོན་སོགས་སུ་བྱོན། ལྷ་ཁང་དུ་གདན་ཆགས། དེར་ཐར་པ་གླིང་དགོན་པ་བཏབ། ཕྲིན་ལས་མཐའ་མ་བསྐྱངས་ཏེ། རེ་བཞི་པ་ཆུ་ཁྱི་ ༡༢༦༥ ལོའི་ཟླ་བ་དགུ་པའི་ཚེས་ཉི་ཤུ་རྩ་གཅིག་ལ་ཞི་བར་གཤེགས། སློབ་མ་འཇམ་དབྱངས་མགོན་པོ་ལ་སོགས་པའི་མཁས་པ་གསུམ། རས་པ་གསུམ། ཨ་ལོ་ཤཱཀྱ་གསུམ། རྣལ་འབྱོར་གསུམ་སོགས་མཐའ་ཡས་སོ། །

{{#arraymap:ལོ་རས་གྲགས་པ་དབང་ཕྱུག་

|; |@@@ | | }}