8608

གཙུག་ལག་ཁང་ (1)

Part of speech	མིང་ཚིག
Definition	དཀོན་མཆོག་གི་རྟེན་བཞུགས་ས་དང་། གསུང་རབ་ཀྱི་ཆོས་འཆད་སའི་ཁང་པའམ་འདུ་ཁང་མིང་སྟེ། གཙུག་ལག་ཁང་སོགས་ཀྱི་ཚད་དབྱིབས་ནི། དགེ་སློང་ཕའི་གཙུག་ལག་ཁང་ལྔ་བརྩེགས་དང༌། གཙང་ཁང༌། སྒོ་ཁང༌། རབ་གསལ་རྣམས་བདུན་བརྩེགས་བྱེད། དགེ་སློང་མའི་གཙུག་ལག་ཁང་སུམ་བརྩེགས་དང༌། གཙང་ཁང་དང༌། སྒོ་ཁང༌། རབ་གསལ་རྣམས་ལྔ་བརྩེགས་དང༌། རྒྱ་ཚད་ཀྱང་དེས་ཚད་ཀྱིས་རིགས་པར་གསུང༌། དེ་དག་གི་དབྱིབས་གྲུ་བཞི་བཟང་ལ། གཞན་ཟུར་བརྒྱད་དང༌། ཟླུམ་པོ་སོགས་ཀྱང་རུང་ངོ༌། །དེ་དག་ལ་ཐུན་མོང་དུ་སྟེང་དུ་འཛེགས་པའི་ཐེམ་སྐས། རྡོ་དང་ས། ཤིང་གིས་བྱས་པ་གསུམ་དང༌། ཡང་ན་ཤིང་སྨྱུག་མ་ཐག་པའི་ཡ་གད་གསུམ་བྱས་ཀྱང་རུང༌། ཁྱམས་ཀྱི་དབུས་སུ་སེང་ཁྲི་ལ་རྒྱན་རྐང་རྟེན་དང་བཅས་པ། སྟེང་དུ་བླ་རེ་དར་དཔྱངས། གནས་དེ་དག་གི་འཁོར་གྱི་ཁྱམས་ཟླུམ་པོ་དང༌། བསིལ་བའི་ཆེད་དུ་ཕྱི་རྩིག་པས་བསྐོར་ཞིང༌། ཀ་ཚར་གྱིས་ཐོག་ཕུག་པ། སྐར་ཁུང་སྒོ་གླེགས་ཅན་དང༌། ཆུའི་རྫིང་བུ་སོགས་བྱེད། རབ་བྱུང་གི་ཀུན་དགའ་ར་བ་རྩིག་པས་བསྐོར་བ་དང༌། དེའི་ཕྱི་རོལ་ཏུ་ཤིང་འཛུགས་པ་དང༌། གཙང་དང་འོབས་སོགས་བྱེད་པར་གསུངས། གཙུག་ལག་ཁང་གི་ཁྱམས་སུ་སྟོན་པའི་སྐྱེས་རབས་སོགས་བྲི། དེ་དག་བཞེངས་སའི་གནས་ནི། དགེ་འདུན་གྱི་ཐོས་བསམ་སྒོམ་པ་འཕེལ་བའི་ཆེད་ཡིན་ན། དབེན་པའི་གནས་སུ་བྱེད་པ་དང༌། སྐྱེ་བོ་མང་པོས་མཆོད་པའི་ཆེད་ཡིན་ན། སྐྱེ་བོ་མང་པོ་འགྲོ་འོང་གི་གནས་སུ་བྱེད་པར་གསུངས་སོ།
Keyword	True

གཙུག་ལག་ཁང་ (2)

Part of speech	མིང་ཚིག
Definition	གཙུག་ལག་རིག་པའི་གནས་ལ་བརྟག་དཔྱད་དང་ཞིབ་འཇུག་བྱེད་སའི་གནས་ཀྱི་མིང་།