86468

ལྟ་བ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། འདི་ལྟར་གཟུགས་ཤིན་ཏུ་ཕྲ་བ་བལྟ་བའི་ཕྱིར། ལས་ལེགས་པར་བྱས་པས་ལྟ་བ། སེམས་ཅན་གྱི་གྲངས་ལ་མངོན་པར་ཆགས་པ་མེད་པར་བྱ་བའི་ཕྱིར། ཤི་འཕོའི་རྒྱུད་ཤེས་པས་ལྟ་བ། སེམས་ཅན་གྱི་དབང་པོ་ཁོང་དུ་ཆུད་པར་བྱ་བའི་ཕྱིར། སེམས་ཅན་གྱི་དབང་པོ་ཤེས་པས་ལྟ་བ། ཆོས་ཀྱི་དབྱིངས་ཐ་དད་དུ་མི་དབྱེ་པའི་ཕྱིར། ཆོས་རབ་ཏུ་རྣམ་པར་འབྱེད་པའི་ལྟ་བ། སངས་རྒྱས་ཀྱི་སྤྱན་གསལ་བ་འཐོབ་པར་བྱ་བའི་ཕྱིར། སངས་རྒྱས་ཀྱི་ཆོས་ཐམས་ཅད་ལ་མངོན་དུ་ལྟ་བ། ཇི་ལྟར་གནས་པའི་ཆོས་བསྟན་པའི་ཕྱིར་ཤེས་རབ་དང༌། ཡེ་ཤེས་ཐོབ་པས་ལྟ་བ། སངས་རྒྱས་ཀྱི་ཆོས་ངེས་པར་རབ་ཏུ་འཐོབ་པར་བྱ་བའི་ཕྱིར། མི་སྐྱེ་བའི་བཟོད་པ་འཐོབ་པས་ལྟ་བ། འདུ་ཤེས་དང༌། ཉོན་མོངས་པ་ཐམས་ཅད་ཀྱི་ཁམས་གསུམ་པ་དང༌། ཉན་ཐོས་དང༌། རང་སངས་རྒྱས་ཀྱི་ས་རྣམ་པར་བཟློག་པའི་ཕྱིར། མི་ལྡོག་པའི་ས་ལ་ལྟ་བ། སངས་རྒྱས་ཀྱི་ཆོས་ཐམས་ཅད་ལ་དབང་བསྒྱུར་བས་ཡེ་ཤེས་མི་ཉམས་པ་ཡོངས་སུ་བསྟན་པའི་ཕྱིར། དབང་བསྐུར་བའི་ས་ལ་ལྟ་བ། ཕྱོགས་བཅུར་བྱ་བ་ཐམས་ཅད་བསྟན་པའི་ཕྱིར། བློ་ཤིན་ཏུ་རྣམ་པར་སངས་རྒྱས་པའི་ཏིང་ངེ་འཛིན་ལ་སྙོམས་པར་ཞུགས་པས་ལྟ་བའོ། །
Domain	ཆོས་ལུགས།