86660

ལྟུང་བ་བསྡུ་བ་ (1)

Part of speech	མིང་ཚིག
Definition	མདོ། འདུལ་བ། ཕ་ལ་ལྟུང་བ་ཉིས་བརྒྱ་ལྔ་བཅུ་རྩ་གསུམ་མ་ལ་སུམ་བརྒྱ་དྲུག་ཅུ་རྩ་བཞི་ཕྱེ་བ་རྣམས་དངོས་དང་བསམ་པ་དང་བྱེད་ལས་ངོ་བོ་ཅི་རིགས་ཀྱི་སྒོ་ནས་བསྡུས་པ་ཞིག་ལ་ཟེར། དེ་ཡང་པཎ་ཆེན་གྱི་འདུལ་བ་ལུང་རིགས་ཉི་མ་ལས། གཉིས་པ་བསྡུ་བ་ཡོད་དེ། དངོས་བསམ་གྱི་སྒོ་ནས་བསྡུ་བ་དང་། བྱེད་ལས་ཀྱི་སྒོ་ནས་བསྡུ་བ། ངོ་བོའི་སྒོ་ནས་བསྡུ་བ་རྣམས་སུ་ཡོད་པའི་ཕྱིར། དང་པོ་གྲུབ་སྟེ། དངོས་པོ་གཙོ་ཆེ་བའི་ལྟུང་བ་དང་། འདུ་ཤེས་གཙོ་ཆེ་བའི་ལྟུང་བ་གཉིས་ཡོད་པའི་ཕྱིར། མཚན་གཞི་ཡོད་དེ། ཕམ་ལྷག་དང་པོ་གཉིས་དང་པོ་དང་། གཞན་རྣམས་གཉིས་པ་ཡིན་པའི་ཕྱིར་ཏེ། འོད་ལྡན་ལས། བསླབ་པའི་གཞི་ནི་གཉིས་ཏེ། དངོས་པོ་གཙོ་བོར་བྱ་བ་དང་། འདུ་ཤེས་གཙོ་བོར་བྱ་བའོ། །ཞེས་གསུངས་པའི་ཕྱིར། གཉིས་པ་བྱེད་ལས་ཀྱི་སྒོ་ནས་བསྡུ་བ་ཡོད་དེ། སྡོམ་པ་གསོ་བའི་ལྷག་མ་མེད་པའི་ལྟུང་བ་དང་། དེའི་ལྷག་མ་དང་བཅས་པའི་ལྟུང་བ་གཉིས་སུ་ཡོད་པའི་ཕྱིར། མཚན་གཞི་ཡོད་དེ། ཐུན་མོང་བའི་ཕམ་པ་འཆབ་བཅས་བཞི་དང་པོ་དང་། གཞན་རྣམས་གཉིས་པ་ཡིན་པའི་ཕྱིར། ཞེས་གསུངས།
Domain	ཆོས་ལུགས།