87365

ལྷ་གཤེན་སྲིད་གསུམ་ (1)

Part of speech	མིང་ཚིག
Definition	བོན། ལྷ་ནི་གཤེན་ལྷ་འོད་དཀར་དང། །གཤེན་ནི་སྟོན་པ་གཤེན་རབ་མི་བོ། །སྲིད་ནི་སྲིད་པའི་རྒྱལ་པོའམ་སངས་པོ་འབུམ་ཁྲི་སྟེ། །མདོ་དྲི་མེད་གཟི་བརྗིད་པོད་བཅུ་གཅིག་ལས། །ལྷ་དང་གཤེན་དང་སྲིད་པ་གསུམ། །བསྟན་པ་གཅིག་ལ་གནས་པ་ལ། །ལྷ་ནི་འོག་མིན་གནས་སུ་བཞུགས། །ལོངས་སྤྱོད་རྫོགས་སྐུའི་ཞིང་ཁམས་སུ། །བསྐྱོད་པ་མེད་པར་མཉམ་གནས་ཀྱང་། །མི་གཡོ་ཐུགས་རྗེ་གར་ཡང་ཁྱབ། །བདག་ནི་ཡེ་སངས་གནས་མཆོག་ནས། །ཐབས་ཀྱི་འགྲོ་བའི་དོན་མཛད་ཕྱིར། །སྣང་ཞིང་སྲིད་པ་ཤུགས་ཀྱིས་བསྐྱེད། །ཁྱེད་ནི་འགྲོ་བའི་དོན་ཆེད་དུ། །འགྲོ་བ་མི་རུ་སྐྱེ་བ་བཞེས། །ཆེད་བཞེས་བསྟན་པའི་གཙོ་བོར་འཁྲུངས། །ཞེས་སོ། །ལུང་དེས་ལྷ་གཤེན་སྲིད་གསུམ་བསྟན་པ་གཅིག་ལ་གནས་པ་དང་། རང་རང་གི་བྱེད་ལས་སོགས་བསྟན་པའོ། །
Domain	ཆོས་ལུགས།