87680

ལྷ་རིན་ཆེན་འོད་འབར་ (1)

Part of speech	མིང་ཚིག
Definition	ལྷ་རིན་ཆེན་འོད་འབར་ནི། གསང་སྔགས་རྡོ་རྗེ་ཐེག་པའི་ལོ་རྒྱུས་ནང་གྲགས་པའི་ལྷའི་རིག་པ་འཛིན་པ་ཞིག་སྟེ། ཡིད་ཀྱི་མུན་སེལ་ལས། སྐུ་ཡི་སྤྲུལ་པ་འཇམ་དཔལ་ནི་མཁྱེན་རབ་མཆོག་ཏུ་གྱུར་པས་གཙོ་བོར་ལྟ་བའི་ཆོས་སྟོན་ཅིང་། མཚན་དང་དཔེ་བྱད་དུ་འབར་བས་ལྷ་ཡིས་གནས་སུ་ལྷ་རྣམས་ཀྱི་དོན་མཛད་ཅིང་། གསང་བ་དམ་པ་ལྷ་གྲགས་ལྡན་མཆོག་སྐྱོང་ལ་གསུངས། དེ་ནས་རིམ་པ་བཞིན་དུ་ལྷ་རིན་ཆེན་འོད་འབར་དང་། ཚངས་པ་སྐྱེ་དགུའི་བདག་པོ་དང་། ཚངས་པ་གཙུག་ཕུད་འཛིན་དང་། དབང་པོ་བརྒྱ་བྱིན་གྱི་བར་དུ་གསུངས་ཤིང་། དེས་ལྷ་ཡི་འཁོར་ཚོམ་བུ་འབུམ་སྡེ་ལ་བསྟན་པས་ལྷ་རྣམས་ཀྱང་སངས་རྒྱས་ཀྱི་གདུང་འཚོབ་ཅིང་གསང་སྔགས་ཀྱི་རིག་པ་འཛིན་པར་གྱུར་ཏོ། །ཞེས་གསུངས། མཚན་གྱི་རྣམ་གྲངས་ལ་ལྷ་ཚངས་པ་རིན་ཆེན་འོད་འབར་དུའང་གྲགས་སོ། །
Domain	ཆོས་ལུགས།