87709

ལྷ་རྣམས་ཀྱི་འཆི་བའི་རྟགས་ཆེན་པོ་བཅུ་གཉིས་ (1)

Part of speech	མིང་ཚིག
Definition	འཕགས་པ་དམ་པའི་ཆོས་དྲན་པ་ཉེ་བར་གཞག་པ་ལས་བྱུང་བ་སྟེ། ༡ གང་གི་ལུས་ལས་འོད་རྣམས་འབྱུང་བར་འགྱུར་བ་དེ་རང་གི་ལུས་ཀྱི་རྗེས་སུ་འཇུག་སྟེ། ཇི་ལྟར་ནུབ་པར་འགྱུར་བའི་ཉི་མ་བཞིན་ནོ། ། ༢ མེ་ཏོག་གི་ཕྲེང་བ་དང༌། འབྲས་བུ་རྣམས་རབ་ཏུ་མི་སྡུག་པར་འགྱུར་བ། ༣ མགོ་བོ་ལ་མེ་ཏོག་གང་དག་བཏགས་པར་གྱུར་བ་དེ་ནས་རབ་ཏུ་ཉིལ་ནས་འགྲོ་བ། ༤ ཆུའི་ནང་དུ་སོང་བའི་བདག་གི་གཟུགས་བརྙན་གང་དང་གང་དུ་སྐྱེ་བར་འགྱུར་བ་དེ་དག་ཉིད་ཀྱི་ལུས་ཀྱི་གཟུགས་བརྙན་མཐོང་བར་འགྱུར་ཏེ། དམྱལ་བ་དང༌། ཡི་དྭགས་དང༌། དུད་འགྲོ་དང༌། མི་རྣམས་ཀྱི་རྣམ་པ་དེ་སྲིད་ཁོ་ནས་ནང་དུ་སོང་བར་བདག་ཉིད་ཀྱི་གཟུགས་བརྙན་མཐོང་བར་འགྱུར་བ། ༥ གང་དག་གིས་དེའི་གཟུགས་བརྙན་ཅན་རྣམས་སམ། རྣམ་པ་དེ་འདྲ་བ་ཉིད་མཐོང་ནས་ཀྱང་ཤིན་ཏུ་སྐྲག་པར་འགྱུར་རོ། །དེའི་བ་སྤུ་རྣམས་ཀྱང་ཚེར་མ་ལྟར་ལྡང་ངོ༌། ། ༦ གནས་ལ་རྣམ་པར་འབྱུང་བར་འགྱུར་ཏེ། གལ་ཏེ་བཻ་ཌཱུརྱའི་རང་བཞིན་གྱི་སྟན་ལ་གནས་པར་འགྱུར་རམ། གལ་ཏེ་ན་དངུལ་གྱི་རང་བཞིན་ནམ། གལ་ཏེ་ན་གསེར་གྱི་རང་བཞིན་ནམ། གལ་ཏེ་ན་ཨིནྡྲ་ནཱི་ལའི་རང་བཞིན་གྱི་སྟན་དེ་དག་རྣམས་ཐམས་ཅད་ཀྱང་ཟངས་མར་འགྱུར་བ། ༧ རླུང་གིས་འདིའི་གོས་ཀུན་ཏུ་སྐྱོད་པར་བྱེད་དེ། །རེག་བྱ་ཚ་མོ་རྣམས་ཀྱིས་སྟན་ལས་རྡོ་རྗེ་བབ་པ་བཞིན་དུ་ཚོར་རོ། །དེ་དག་རྣམས་ཀྱིས་འདིའི་ཡིད་རྣམས་པར་འགྱུར་བ་སྐྱེད་དོ། །དེ་ཡིད་རྣམ་པར་འགྱུར་བར་གྱུར་པས་སྒྲ་དང༌། རེག་བྱ་དང༌། རོ་དང༌། གཟུགས་དང༌། དྲི་འདོད་པ་མ་ཡིན་པ་རྣམས་ལ་སྒྲུབ་པར་བྱེད་པ། ༨ དེའི་རྗེས་ལ་འདིའི་མི་རྟག་པའི་མེ་རྣམས་ཉེ་བར་འོང་བར་འགྱུར་བ། ༩ དེའི་རྗེས་ཐོགས་སུ་ཕན་ཚུན་དུ་འཆི་འཕོ་བའི་རྟགས་རབ་ཏུ་འབྱུང་བར་འགྱུར་ཏེ། བཻ་ཌཱུརྱའི་རང་བཞིན་གྱི་རྡོ་ལ་ཇི་ལྟ་བ་བཞིན་དུ་གཞན་རྣམས་ལའང་མི་མཐོང་བ་མགོ་པོ་མ་ལུས་པར་ལྷུང་བར་མཐོང་བ། ༡༠ འཆི་བའི་རྟགས་དེ་རྣམས་ཀྱིས་འཆི་བ་དེ་རབ་ཏུ་རྟོགས་ནས་བུད་མེད་རྣམས་ཀྱིས་དེ་ཡོངས་སུ་སྤང་ངོ་། །ཁ་དྲག་པར་ཡང་འགྱུར་བས་དེའི་སེམས་ལ་མྱ་ངན་ཀུན་ཏུ་འབྱུང་བར་འགྱུར་རོ། །འདུས་པ་དང་བྲལ་བས་བསྐྱེད་པའི་མྱ་ངན་གྱི་རྣམ་པ་འདི་ལྟ་བུ་དག་སྐྱེ་སྟེ། གང་དག་གི་ཁྱད་པར་གྱིས་གང་དག་དེས་ཉེ་བར་ལོངས་སྤྱོད་པ་དེ་དག་རྣམས་ཐམས་ཅད་ཀྱིས་བཅུ་དྲུག་ཆར་ཡང་མི་ཕོད་པར་རོ། །དེའི་རྗེས་ཐོགས་ལ་འདིའི་དེ་དང་འབྲེལ་པར་འཆི་འཕོ་བའི་རྟགས་བཅུ་ལས་འབྱུང་སྟེ། འདི་ལྟར་དབང་པོ་ཐམས་ཅད་ཉམས་པར་འགྱུར་རོ། །མིག་ལ་སོགས་པ་རྣམས་ཀྱིས་ཀུན་ནས་འཁོར་བ་བཞིན་སྐྱེས་བུའི་གཟུགས་མཐོང་བ། ༡༡ དེའི་རྗེས་ལ་འཆི་འཕོ་བའི་རྟགས་བཅུ་གཅིག་པ་ཡིན་ཏེ། ཡིད་ཀྱང་གནས་པ་མེད་པ་ཉིད་དུ་འབྱུང་བར་འགྱུར་ཏེ། ཟོ་ཆུན་གྱི་འཁོར་ལོ་བཞིན་དུ་དེ་གཅིག་ཏུའང་གནས་པ་མི་འཐོབ་བོ། །འཆི་འཕོ་བའི་རང་བཞིན་གྱི་སྡུག་བསྔལ་རྣམས་མཐོང་ནས་མཆོག་ཏུ་གཡོ་བའི་ཡིད་ཅན་དུ་འགྱུར་བ། ། ༡༢ དེའི་རྗེས་ཐོགས་ལ་འདིའི་སྲོག་གི་དབང་པོ་འགགས་པར་འགྲོ་བར་འགྱུར་ཏེ། དེ་ནི། སྡོང་བུ་ཟད་པ་དང༌། སྣུམ་མེད་པ་དང༌། འོད་ཉམས་ནས་འགག་པར་འགྱུར་བ་བཞིན་དུ་དེ་ལྟར་འགགས་ནས་འགྲོ་བར་འགྱུར་བར་ལྷ་དེས་མཐོང་ངོ༌། །
Domain	ཆོས་ལུགས།