87812

ལྷག་པའི་དམ་ཚིག་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ལྷག་པའི་དམ་ཚིག་ནི། དཀོན་ཅོག་འགྲེལ་ལས། ལྷག་པའི་དམ་ཚིག་ནི་སྤྱིའི་སྡོམ་པ་ལ་གནས་པའི་རྣལ་འབྱོར་པས་སྒྲུབ་པ་ཆེན་པོ་ལ་སོགས་པའི་དུས་སྐབས་སུ་བསྲུང་བ་ལྷག་པར་བསྟན་པ་སྟེ། འདི་ལྟར། སེངྒེའི་ཁོག་པ་མི་བཤིག་པ་དང་། སྟག་གཟིག་གོལ་བའི་གོད་ལྷག་མི་བསྡུ་བ་དང་། གངས་ཀྱི་ཞུན་ཆུ་མི་བཏུང་བ་དང་། རྡོ་རྗེའི་གོ་ཆ་མི་གདལ་བ་ལ་སོགས་པ་གཞུང་སྤྱི་ལས་གྲགས་པ་རྣམས་སོ། །དེ་ལས་(རྡོར་སེམས་སྒྱུ་འཕྲུལ་དྲྭ་བའི་)རྒྱུད་འདིར་ནི། བསྲུང་བ་དང་སྒྲུབ་པར་གྱུར་བའི་རྩ་བའི་དམ་ཚིག་ལྔ་དང་། མི་སྤང་བ་མི་དོར་བར་གྱུར་པའི་ཡན་ལག་བཅུ་སྟེ། དེ་ལྟར་དམ་ཚིག་བཅོ་ལྔའོ། །ཞེས་དང་། འོད་གསལ་སྙིང་པོ་ལས། ལྷག་པའི་དམ་ཚིག་ནི། སྒྲུབ་པ་ཆེན་པོའི་དུས་སྐབས་སུ་རྒྱུན་གྱི་བསྲུང་བྱ་ལས་ལྷག་པར་དམིགས་བསལ་ཏེ་གསུངས་པ། སེངྒེའི་ཁོག་པ་མི་བཤིག་པ་ལ་སོགས་པ་ལྟ་བུའོ། །ཞེས་གསུངས་སོ། །
Domain	ཆོས་ལུགས།