88257

ལྷུན་གྲུབ་རིག་འཛིན་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། གསང་སྔགས་ཀྱི་ལམ་ལ་བརྟེན་ནས་འཐོབ་པའི་འབྲས་བུ་རིག་འཛིན་རྣམ་པ་བཞིའི་ནང་གསེས་ལས་བཞི་པ་མཐར་ཐུག་གི་འབྲས་བུ་སྟེ། ཕྱོགས་བཅུའི་མུན་སེལ་ལས། བཞི་པ་ནི། སྤངས་པ་དང་རྟོགས་པ་མཐར་ཕྱིན་པའི་སངས་རྒྱས་ཏེ། རྡོ་རྗེ་ལས། སྔ་མའི་རིགས་ལས་མཐུ་རྫོགས་པས། །བཤད་པ་བཞིན་དུ་དྲི་མ་སྦྱོངས། །སངས་རྒྱས་ས་ཡི་ཤེས་རབ་གསུམ། །ལྷུན་གྱིས་གྲུབ་པའི་རིག་འཛིན་ནོ། །ཞེས་སོ། །ཞེས་དང་། ཡིད་ཀྱི་མུན་སེལ་ལས། དེ་ནས་མཐོང་ཟིན་གོམས་པར་བྱེད་པའི་ལམ་ས་བཅུ་ནི་ཕྱག་རྒྱ་ཆེན་པོའི་རིག་འཛིན་ཏེ། ཆོས་ཉིད་ཟག་པ་མེད་པའི་དོན་གོམས་ཤིང་། ས་གོང་མའི་ཡོན་ཏན་རྫོགས་པར་གོང་ནས་གོང་དུ་གྱུར་པའི་ཕྱིར་རོ། །དེ་ནས་ལྷུན་གྱིས་གྲུབ་པའི་རིག་འཛིན་སངས་རྒྱས་ཀྱི་ས་ལ་སྦྱོར་བ་ཡིན་ནོ། །ཞེས་དང་། ལྷུན་གྲུབ་ནི་སངས་རྒྱས་ཀྱི་ས་ལ་འདོད་དེ། (རྩ་རྒྱུད་གསང་སྙིང་)འདི་ལས། དེ་ཚེ་བཅུ་དྲུག་ཚུན་ཆད་ཀྱིས། །སྐུ་ལྔ་ལྷུན་གྱིས་རྫོགས་པ་ནི། །ཞེས་པས། མཐར་ཕྱིན་པའི་ལམ་དུ་གསུངས་པའི་ཕྱིར་རོ། །དག་ས་གསུམ་ལྷུན་གྲུབ་མཐར་ཐུག་མ་ཡིན་ཏེ། གཞན་དོན་བྱེད་པ་ལ་ཏིང་ངེ་འཛིན་གྱི་རྩོལ་བ་ཡོད་པའི་ཕྱིར་དང་། རང་དོན་དུ་སངས་རྒྱས་འཐོབ་བྱར་ཡོད་པས་རང་དོན་མཐར་ཐུག་ལྷུན་གྱིས་མ་གྲུབ་པའི་ཕྱིར་དང་། ས་དེ་པའི་སེམས་དཔའི་དོན་མི་བྱེད་པས་གཞན་དོན་མཐའ་དག་ལྷུན་གྱིས་མ་གྲུབ་པའི་ཕྱིར་དང་། སྤང་རྟོགས་ཀྱི་ཡོན་ཏན་མཐའ་དག་ལྷུན་གྱིས་མ་གྲུབ་པའི་ཕྱིར་རོ། །དེ་ནི་རིག་འཛིན་གོང་མ་གོང་མ་ལ་འོག་མའི་ཡོན་ཏན་རྫོགས་པའི་ཆ་ནས་དེར་འཇོག་ལ། སངས་རྒྱས་ཀྱི་ས་ན་མཐར་ཐུག་གི་རིག་འཛིན་ཐམས་ཅད་རྫོགས་ཏེ། དོར་བ་མེད་པ་སྟོང་པ་ཉིད་ལ་མངའ་བརྙེས་པའི་ཕྱིར་རོ། །ཞེས་དང་། གཉིས་པ་མཐར་ཐུག་གི་འབྲས་བུ་ནི། སློབ་པའི་ལམ་མཐར་ཕྱིན་ནས་མི་སློབ་པའི་ལམ་ལ་གནས་པའི་ཕྱིར་མཐར་ལམ་མངོན་དུ་མཛད་ཅིང་། ཆོས་སྐུའི་ཤེས་རབ་སྤྲོས་པའི་མཐའ་དང་བྲལ་བ་གནས་ལུགས་དོན་གྱི་ཡེ་ཤེས་དང་། ལོངས་སྐུའི་ཤེས་རབ་དུག་ལྔ་ཡེ་ཤེས་སུ་ཤར་བ་རང་བྱུང་གི་ཡེ་ཤེས་དང་། སྤྲུལ་སྐུའི་ཤེས་རབ་ཇི་སྙེད་ཇི་ལྟ་མཁྱེན་ནས་ཕྲིན་ལས་ལྷུན་གྲུབ་ཀྱི་ཡེ་ཤེས་གསུམ་ལ་མངའ་བརྙེས་ཤིང་། ཆོས་ཐམས་ཅད་ལ་མངའ་དབང་རྫོགས་པར་ལྷུན་གྱིས་གྲུབ་པ་སྟེ། (ལམ་རིམ་)དེ་ཉིད་ལས། སྔ་མའི་རིགས་ལས་མཐུ་རྫོགས་པས། །བཤད་པ་བཞིན་དུ་དྲི་མ་སྦྱངས། །སངས་རྒྱས་ས་ཡི་ཤེས་རབ་གསུམ། །ལྷུན་གྱིས་གྲུབ་པའི་རིགས་སུ་འབྱུང་། །ཞེས་སོ། །ཞེས་གསུངས། ལྷུན་གྲུབ་རིག་འཛིན་ལ་རྒྱུད་འགྲེལ་དག་ལས་གནས་སྐབས་ཀྱི་འབྲས་བུར་འཇོག་པ་དང་མཐར་ཐུག་གི་འབྲས་བུར་འཇོག་པ་གཉིས་སུ་ཡོད།
Domain	ཆོས་ལུགས།

{{#arraymap:ལྷུན་གྲུབ་རིག་འཛིན་

|; |@@@ | | }}