8849

གཞན་ལས་ངེས་པ་གསུམ་ (1)

Part of speech	མིང་ཚིག
Definition	གཞན་ལས་ངེས་ཀྱི་ཚད་མ་ལ་ངེས་པ་འདྲེན་ཚུལ་ལ་དབྱེ་ན་དོན་ལ་ཨུཏྤལ་ཡིན་ཡང་རྒྱང་རིང་པོ་ནས་ཁ་དོག་ཙམ་ལས་གང་ཡིན་ཐེ་ཚོམ་ཟ་དུས་ཀྱི་མིག་ཤེས་ལྟ་བུ་སྣང་བ་རང་ལས་ངེས་ཤིང་བདེན་པ་གཞན་ལས་ངེས་པ་དང༌། དོན་ལ་ཤུག་པ་ཡིན་པ་ལ་རྒྱང་རིང་པོ་ནས་ཡལ་འདབ་ཅན་དུ་ངེས་ཀྱང་གང་ཡིན་ཐེ་ཚོམ་ཟ་དུས་ཀྱི་མིག་ཤེས་ལྟ་བུ་སྤྱི་རང་ལས་ངེས་ཤིང་ཁྱད་པར་གཞན་ལས་ངེས་པ་དང༌། རྒྱང་རིང་པོ་ནས་འོད་དམར་ཙམ་ངེས་ཀྱང་མར་མེ་དང་ནོར་བུ་སོགས་གང་གི་འོད་ཡིན་ཐེ་ཚོམ་ཟ་དུས་ཀྱི་མིག་ཤེས་ལྟ་བུ་ཡོད་པ་རང་ལས་ངེས་ཤིང་བདག་ཉིད་ཀྱི་སྤྱི་དང་ཁྱད་པར་གཞན་ལས་ངེས་པ་སྟེ་གསུམ་མོ། །
Domain	ཚད་མ།