88538

ཤ་མང་རེག་པའི་ལྟུང་བྱེད་ (1)

Part of speech	མིང་ཚིག
Definition	མདོ། འདུལ་བ། གླེང་གཞི་ནི། དགེ་སློང་མ་འཆི་ལྟས་མ་དང་ཉེ་བའི་འཆི་ལྟས་མ་གཉིས་ཁྲི་གཅིག་ལ་ཉལ་ཏེ་སྐྱེས་པ་དང་བུད་མེད་འཁོད་པ་བཞིན་དུ་རྒོད་པ་དང་འཕྱར་གཡེང་དང་ལུས་ཀྱི་ཙབ་ཧྲལ་བྱེད་པ་ལ་དགེ་སློང་མ་རྣམས་འཕྱ་བར་བྱེད་པ་ལས་སོ། །དགག་བྱ་ནི་ཆགས་པའི་རྒྱུར་འགྱུར་བའོ། །དགེ་སློང་མས་དགེ་སློང་མ་གཞན་དང་ཁྲི་གཅིག་ལ་ལྷན་ཅིག་ཤ་མཐང་རེག་པ་དང་བཅས་ཤིང་མཚན་མོ་ཉལ་ཏེ་སྐྱ་རེངས་འཆར་བ་ན་ལྟུང་བྱེད་དུ་འགྱུར་རོ། །ཁྲི་གཅིག་ལ་ཉལ་བ་མ་ཡིན་ཡང་སྟན་གདིང་བ་གཅིག་ལ་ཉལ་ན་ཡང་སྟེ། ལུང་རྣམ་འབྱེད་ལས་དགེ་སློང་མ་གང་དགེ་སློང་མ་དང་ལྷན་ཅིག་གདིང་བ་གཅིག་ལ་བར་དུ་མ་བཅད་པར་ཉལ་ན་ལྟུང་བྱེད་དོ་ཞེས་ཀྱང་གསུངས་སོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། དགེ་སློང་མ་གང་དགེ་སློང་མ་གཞན་དང་ལྷན་ཅིག་ཁྲི་གཅིག་གི་སྟེང་དུ་ཤ་མང་རེག་པ་དང་བཅས་ཤིང་མཚན་མོ་ཉལ་བར་བྱེད་པ་ནི། ལོངས་སྤྱོད་ཅིང་གནས་པའི་ལྟུང་བྱེད་དོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།