8865

གཞན་སྟོང་དབུ་མའི་ཟབ་དོན་གསུམ་པ་ (1)

Part of speech	མིང་ཚིག
Definition	མདོ། དབུ་མ། ཇོ་ནང་། དབུ་མ་གཞན་སྟོང་པ། པཎྜི་ཏ་ཆེན་པོ་རྒྱལ་བ་ཤཱཀྱ་མཆོག་ལྡན་དང་ཆོས་རྗེ་ཀུན་མཁྱེན་ཆེན་པོ་རྟོན་པ་བཞི་ལྡན་གཉིས། གཞན་སྟོང་དབུ་མའི་ལྟ་སྒོམ་གྱི་གནད་གཅིག་ཀྱང༌། གནས་སྐབས་ལྟ་བ་དེ་གཏན་ལ་འབེབས་པའི་སྐབས། མི་འདྲ་བ་ཐན་ཐུན་ཡོད་པ་རྣམས་ལས་ཁྱད་པར་གསུམ་པ་ནི་ལྟ་བའི་སྤྲོས་པ་གཅོད་ཚུལ་གྱི་ཟབ་ཁྱད་ཀྱི་སྐོར་ཏེ། རྗེ་ཏཱ་ར་ནཱ་ཐའི་ཟབ་དོན་ཉེར་གཅིག་ལས། ཡང་སྔ་མས། ལྟ་བས་སྤྲོས་པ་གཅོད་པ་ལ་རང་སྟོང་ཟབ། སྒོམ་པས་ཉམས་སུ་ལེན་པ་ལ་གཞན་སྟོང་ཟབ་ཅེས་ཏེ། དེའི་རང་སྟོང་ཡང་ཐལ་རང་གཞུང་ཕྱི་གསུམ་གྱི་ལུགས་ལ་ངོས་འཛིན། ཕྱི་མས་ནི། རྒྱལ་བ་སྲས་བཅས་བཞེད་པའི་རང་སྟོང་གི་ལྟ་བ་དེ་སྤྲོས་པ་གཅོད་བྱེད་མཆོག་ཡིན་ཀྱང༌། གཞན་སྟོང་དུ་འདུས་པས་ལྟ་གྲུབ་ལོགས་ལོགས་པ་མིན་ལ། དེང་སང་གྲགས་པའི་རང་སྟོང་ཐལ་རང་གཞུང་ཕྱི་གསུམ་གྱི་ལྟ་བ་དོན་དམ་བདེན་མེད་དུ་འདོད་པ་ནི་ནོར་བ་ཡིན་པས། ལྟ་བས་སྤྲོས་པ་གཅོད་པ་ལ་བཟང་པ་མིན་ཏེ། སྐུར་འདེབས་སུ་འགྱུར་བའི་ཕྱིར་ཡིན་ཞེས་གསུང༌། གསུམ་པའོ། །ཞེས་དང་། དེ་ལ་གནས་སྐབས་ཀྱི་བཞེད་པ་མི་འདྲ་བ་དེ་སྙེད་འབྱུང་བའི་རྒྱུ་མཚན་ཡང༌། རྩ་བ་གཅིག་ལས་ཕལ་ཆེར་བྱུང་བ་ཡིན་ཏེ། གཅིག་པུ་དེ་གང་ཞེ་ན། པཎ་ཆེན་ཤཱཀྱའི་མཚན་ཅན་ནི། གཉིས་མེད་ཀྱི་ཡེ་ཤེས་དེ་གཅིག་པུ་མ་ཡིན་པ་དུ་མའི་ཚུལ་ཅན། སྐད་ཅིག་གིས་མི་གནས་པ་མི་རྟག་པར་བཞེད་པ་དང༌། ཀུན་མཁྱེན་ཇོ་ནང་པ་ནི། དེ་དངོས་གནས་ལ་གཅིག་མིན་དུ་མ་ཡང་མིན་པར་ངེས་མོད། གནས་སྐབས་སུ་གཅིག་པུའི་རྣམ་གཞག་འཐད་ལྡན་དུ་མཛད་ཅིང༌། དེ་རྟག་པ། ཆ་མེད་ཀུན་ཁྱབ། སྤྲོས་བྲལ་བརྗོད་བྲལ་ཡིན་པར་བཞེད་པའི་དབང་ལས་ཏེ། མདོར་ན་མི་རྟག་པ་དང་རྟག་པར་བཞེད་པའི་ཁྱད་པར་རོ། །ཞེས་བྱུང་།
Domain	[ཆོས་ལུགས།, ལྟ་གྲུབ།]