88810

ཤན་བརྡེག་གི་མུ་བཞི་ (1)

Part of speech	མིང་ཚིག
Definition	མདོ། འདུལ་བ། འདི་ལ་མུ་བཞི་སྟེ། རིགས་བཟློག་ཤན་མི་འབྱུང་བའི་མུ། ཤན་འབྱུང་རིགས་མི་བཟློག་པའི་མུ། གཉིས་ཀ་འབྱུང་བའི་མུ། གཉིས་ཀ་མི་འབྱུང་བའི་མུའོ། །དང་པོ་ནི། ཁ་སོགས་ཀྱི་གོས་སྔ་དྲོ་བཞག་པའི་ཕྱི་དྲོ་དེ་ཉིད་དམ། དེ་ནས་བགྲངས་པའི་ཞག་བཅུ་གཅིག་པའམ། ཉེར་གཅིག་པའི་ཉིན་ཁ་བསྐང་གི་གོས་རྙེད་པ་སོགས་གསུམ་པོ་གང་རུང་བྱུང་བའོ། །དེའི་ཚེ་ཁ་སོགས་ཀྱི་གོས་ཆོས་ཅན། རིགས་ལོག་པ་ཡིན་ཏེ། སྔར་ཟླ་བ་པའི་རིགས་ཡིན་པ་ལས་ལོག་ནས། ཞག་བཅུ་པའི་རིགས་སུ་སོང་བའི་ཕྱིར། ཤན་མི་འབྱུང་སྟེ་ཤན་བརྡེག་བྱེད་ཀྱི་དངོས་པོ་དེས་ཤན་དུ་འཇོག་པའི་ཞག་མ་ལོན་པའི་ཕྱིར། འོ་ན་ཞག་བཅུ་གཅིག་པ་དང། ཉེར་གཅིག་གི་ཚེ་མ་ལོན་པ་ཅི་ཞེ་ན། དེའི་ཚེ་སྤྱིར་ཞག་ལོན་ཀྱང་ཤན་བརྡེེག་བྱེད་དུ་མ་བཅས་པ་ཡིན་ཏེ། ཊཱི་ཀ་ལས། ཟླ་བ་པའི་སྤང་བ་འདི་ལ་ཞག་བཅུ་པ་དང་པོ་དང། གཉིས་པ་དང་། གསུམ་པ་དག་ནི་ཤན་གྱི་ཕྱིར་ཕན་ཚུན་ལྟོས་པ་མེད་དོ། །ཞེས་གསུངས་པ་ལྟར་རོ། །མུ་གཉིས་པ་ནི། ཁ་བསོགས་བཞག་པའི་ཉིན་ནས་བགྲངས་པའི་ཞག་གཉིས་པ་ནས་བཅུ་པའི་བར་དང། བཅུ་གཉིས་པ་ནས་ཉི་ཤུ་པའི་བར་དང། ཉེར་གཉིས་ནས་སུམ་ཅུ་པའི་བར་གང་རུང་ལ་ཁ་བསྐང་བའི་གོས་རེ་བའི་ཚད་དུ་མ་ཆོག་པ་གཅིག་རྙེད་པ་ལྟ་བུའོ། །འདི་ལ་ནི་ཁ་བསོགས་ཀྱིས་གོས་ཞག་སུམ་ཅུ་འདས་པའི་ཚེ། ཁ་བསྐང་གོ་གོས་ཀྱི་ཞག་བཅུ་ལས་མ་འདས་པ་སྲིད། དེའི་ཚེ་སྔ་མ་ལ་ཟླ་བ་པ་སྤང་བ་བྱུང་ཡང། ཕྱི་མ་ལ་དེ་བྱུང་བ་མ་ཡིན་ཏེ། ཕྱི་མ་དེས་རང་སྟོབས་ཀྱིས་ཞག་སུམ་ཅུ་མ་ལོན་ཅིང། ཤན་སྟོབས་ཀྱིས་ཀྱང་མ་ལོན་པའི་ཕྱིར། རྟགས་གཉིས་པ་གྲུབ་སྟེ། ཞག་བཅུ་ཚན་གསུམ་པོ་ཤན་གྱི་ཕྱིར་ཕན་ཚུན་ལྟོས་པ་མེད་པའི་ཕྱིར་རོ། །འོ་ན་ཁ་བསྐང་གི་གོས་ཕྱི་མ་དེ་གོས་སྔ་མ་ལ་ལྟུང་བ་བྱུང་རྗེས་སུའང་ཞག་ཉི་ཤུ་ལ་ཐུག་པའི་བར་དུ་བཅང་དུ་རུང་ངམ་ཞེ་ན། འདི་ལ་སྔོན་ཆད་དཔྱད་པ་ཞུགས་པ་མ་མཐོང་ངོ། །མུ་གསུམ་པ་ནི། ཁ་བསོགས་ཀྱི་གོས་བཞག་པའི་ཉིན་ནས་བགྲངས་པའི་གཉིས་པ་ནས་བཅུ་པའི་བར་ཚན་པ་གསུམ་པོ་གང་རུང་ལ་ཁ་བསྐང་གི་གོས་རིགས་མཐུན་པ་རེ་བའི་ཚད་དུ་ཆོག་པའམ། རིགས་མི་མཐུན་པ་ཆོས་གོས་ལྡང་བ་གཅིག་རྙེད་པ་ལྟ་བུའོ། མུ་བཞི་པ་ནི་ཁ་བསོགས་ཀྱི་གོས་གང་ལ་བཞག་པའི་ཉི་མ་དེ་ཉིད་དང། བཅུ་གཅིག་པའམ། ཉེར་གཅིག་པ་ལྟ་བུ་ལ་ཁ་བསྐང་རེ་བའི་ཚད་དུ་མ་ཆོག་པ་གཅིག་རྙེད་པའམ། རེ་བ་ཆད་པ་ལྟ་བུའོ། །དེ་ལྟར་མུ་བཞི་ལས་གཉིས་ཀྱི་ཞག་བཅུ་འཆང་སྤང་དང་གཉིས་ཀྱིས་ཟླ་འཇོག་སྤང་བ་མཚོན་ནོ། །པཎ་ཆེན་ཤཱཀ་མཆོག་གི་འདུལ་མདོའི་དཀའ་གནས་སྣང་བྱེད་ཉི་མའི་ཤིང་རྟ་ལས་སོ། །
Domain	ཆོས་ལུགས།

{{#arraymap:ཤན་བརྡེག་གི་མུ་བཞི་

|; |@@@ | | }}