88883

ཤར་པ་བསོད་ནམས་སེང་གེ་ (1)

Part of speech

མིང་ཚིག

Definition

སློབ་དཔོན་ཕུག་པ་ཚུལ་ཁྲིམས་ཡེ་ཤེས་ཀྱི་སློབ་མ་སྟེ། མདོ་ཁམས་སྨད་ལ་སྐུ་འཁྲུངས། སྨར་ཚང་གི་ཆོས་རྗེ་འོད་ཟེར་བླ་མ་དང་མཇལ་ནས་ཆོས་མང་དུ་གསན། ཁོང་ལ་སློབ་དཔོན་བདུན་ཡོད་པ་སྟེ། ཕུག་པ་ཚུལ་ཁྲིམས་ཡེ་ཤེས་ཀྱི་སྙན་པ་ཐོས་ནས་ཀིལ་སྣའི་རི་ཁྲོད་དུ་བྱོན། དུང་དཀར་རྒྱ་སྒམ་ཇ་སིག་ཕྱག་རྟེན་ཀྱང་དཔེ་མེད་ཕུལ། མཇལ་ཙམ་གྱི་ལས་འཕྲོ་སད་ནས་ཆོས་ལ་ཐང་ལྷོད་མ་བྱུང་བླ་མས་ཀྱང་སྣོད་ལྡན་གྱི་སློབ་མར་དགོངས་ནས་གདམས་པ་ཐམས་ཅད་རྫོགས་པར་ཚང་སྤྲུགས་སུ་གནང༌། ལོ་དྲུག་ཏུ་བླ་མའི་དྲུང་དུ་བསྒོམ། བླ་མ་རིན་པོ་ཆེའི་ལུང་བསྟན་བཞིན་དུ་རྔ་རོང་གི་དགོན་འདེབས་པ་ལ། ཀ་ཐོར་མདའ་ནས་ཡར་ཕེབས། མི་རྒན་པོ་ཞིག་གིས་དེ་ཉིད་དུ་ཞིང་རྨོ་ཞིང་མཚན་བརྗོད་འདོན་པ་དང་འཕྲད། བླ་མས་མི་དེ་ལ་ལུང་པ་འདི་ལ་མིང་ཅི། བྱ་བྲལ་ངས་དགོན་ཆུང་གཅིག་ཨི་ཐེབས་སྙམས་ནས་ཡོང་བ་ཡིན་གསུངས་པས། མི་དེས་ཀྱང་ཞིང་རྨོ་བ་དང་འདོན་པ་བྱེད་བཞིན་པ་ལ་དར་གཅིག་ཅི་མ་ཞུས་ནས། ཆོས་ཀྱི་རྒྱལ་མཚན་ལེགས་པར་འཛུགས། ཞེས་པའི་མཚམས་དེ་རུ་བཞག་ནས་བླ་མ་ཁྱེད་གང་ནས་བྱོན། ཕུ་ཡ་ཀི་ན་དགོན་པ་བཟང་པོ་གཅིག་ཡོད་ཞེས་ལེགས་པའི་ཚིག་དུ་མ་ཞུས། བླ་མས་མཉེས་པའི་གླེང་བསླང་མང་དུ་བྱས་ནས་ཕུ་དེར་ཕེབས་ཏེ་རྔ་རོང་གི་དགོན་བཏབ་པ་བསྐྱངས་བས་ལོ་གཅིག་ལ་དགེ་འདུན་པ་ལྔ་བཅུ་ཙམ་བྱུང༌། དེ་རྣམས་ཀྱིས་སྒྲུབ་པ་གཙོ་བོར་མཛད་པའི་དམ་བཅའ་གནང༌། སྙིང་ཐང་སྟོད་དུ་བཀྲ་མདོ་དགོན་བཏབ།(འདི་ནི་ནང་ཆེན་རྫོང་སྐྱོ་བྲག་ཤང་གི་ཉེ་སར་བཀྲ་ནང་ཟེར་བའི་ལུང་པའི་མདའ་ལ་ཆགས་ཤུལ་ཡོད།) གཙུག་ལག་ཁང་གསེར་གྱི་གཎྜི་ར་དང་ལོག་བྲིས་གསེར་སྐུ་ལྡེར་སྐུ་སོགས་བསམ་གྱིས་མི་ཁྱབ་པ་དང་རྨ་ཁྱིམ་གྱི་རི་དགོན་མཛད་པ་སྟེ། བདུན་ཆུ་དོན་གཉིས་ལ་གཤེགས། རབ་བྱུང་ལྔ་པའི་ནང་ཙམ་ལ་བྱོན།བརྒྱུད་འཛིན་གྱི་སློབ་མ་རིགས་དབོན་བསོད་ནམས་གྲགས་པ་སོགས་བྱོན། རི་དགོན་བཅོ་བརྒྱད་དུ་གྲགས་པའི་ནང་གི་ཤར་པ་བཀའ་བརྒྱུད་ཀྱི་བླ་མ་དང་པོ་དེ་ཡིན།

{{#arraymap:ཤར་པ་བསོད་ནམས་སེང་གེ་

|; |@@@ | | }}