8941

གཞལ་ཡས་ཁང་གི་ཏིང་ངེ་འཛིན་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པ་ལས་དཀྱིལ་འཁོར་རྒྱུན་གྱི་ཏིང་ངེ་འཛིན་གྱི་ནང་གསེས་སུ་གསུངས་ཏེ། གཟི་ལྡན་འཆར་ཁའི་འོད་སྣང་ལས། དཀྱིལ་འཁོར་གྱི་ངོ་བོ་སྣང་སྲིད་རྣམ་པར་དག་པའི་གཞལ་ཡས་ཁང་གི་གནས་སུ་གཞི་དོན་གྱི་ཀུན་གཞི་དཔལ་གྱི་མཎྜལ་ལ། རྣམ་ཤེས་ཚོགས་བརྒྱད་ཀྱིས་ཐིག་ཆེན་པོའི་སྲད་བུ་བརྒྱད་དུ་གསལ་བ་ཉིད། ཡེ་ཤེས་ཀྱི་ཚོགས་བརྒྱད་དུ་མ་སྤངས་རང་ཤར་བར་རྟོགས་ཏེ་ཐག་ཆོད་པས་རང་རིག་ཅིར་ཡང་གསལ་བར་ཡེ་ནས་བཏབ་པའི་དཀྱིལ་འཁོར་ཆེན་པོ་རྒྱུན་མི་འཆད་པར་མཇལ་བ་ཉིད་དོ། །ཞེས་དང་། མདོ་དགོངས་པ་འདུས་པ་ལས། དེ་བཞིན་ཉིད་ཀྱི་ས་གཞི་ལ། །ཇི་བཞིན་པ་ཡི་གཞལ་ཡས་ཁང༌། །མ་ནོར་མ་བཅོས་རྨང་ཆེན་བརྟན། །བྱང་ཆུབ་སེམས་ཀྱི་རྩིག་ཆེན་གཏམས། །ཡེ་ཤེས་ལྔ་ཡི་སྐར་མཐོངས་གསལ། །བསྡུ་བ་ཚད་མེད་རྣམ་ཐར་སྒོ། །དྲན་པ་ཡང་དག་ཐེམ་སྐས་བརྒྱད། །རྫུ་འཕྲུལ་རྟ་བབས་དག་གིས་བརྒྱན། །མི་འཇིགས་རིག་པའི་གདུང་ཆེན་ལ། །ཡང་དག་བརྒྱད་ཀྱི་ཀ་བས་མཛེས། །རང་འབྱུང་ཡེ་ཤེས་དབུ་རྩེ་འཕགས། །བདེན་གཉིས་ཁྱམས་ཀྱིས་ངེས་པར་མཛེས། །ཡེ་ཤེས་ཐུགས་རྗེ་ཡོན་ཏན་ལས། །བྱིན་བརླབས་རྒྱན་གྱིས་མཛེས་པར་བརྒྱན། །ཆོས་ཉིད་རླབས་ཀྱི་བླ་རེ་བྲེས། །སིལ་སྙན་སྒྲ་སྒྲོག་ཐེག་ཆེན་སྔགས། །ཇི་བཞིན་ཆོས་ཀྱི་ཕོ་བྲང་འདིར། །རྒྱལ་བ་བཞུགས་པ་འདི་ལྟར་རིམ། །ཀུན་བཟང་སེམས་ཀྱི་ཆོས་ཉིད་ལས། །ཀུན་གཞི་མ་འདྲེས་ཡོངས་རྫོགས་ཆོས། །སེམས་དཔའ་ཡུད་ཀྱིས་ངེས་ཐོབ་པས། །བསྟན་པ་རྒྱ་མཚོ་རྒྱུན་མི་འཆད། །ཅེས་གསུངས་སོ། །
Domain	ཆོས་ལུགས།