89439

ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བ་བཅུ་ (1)

Part of speech	མིང་ཚིག
Definition	ཕལ་ཆེན་ལས་བྱུང་བ་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བ་བཅུ་སྟེ། ༡ བདུད་ཀྱི་དཀྲུགས་མ་རབ་ཏུ་འཇོམས་ཤིང་རྣམ་པར་འཐོར་བ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །༢ མུ་སྟེགས་ཅན་གཞན་དང་། ཕས་ཀྱི་རྒོལ་བ་ཚར་བཅད་པ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །༣ འདུལ་བའི་སེམས་ཅན་ཐམས་ཅད་རབ་ཏུ་ཚིམ་པར་མཛད་པ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །༤ སེམས་ཅན་འདུལ་བའི་དབང་གིས་འཇིག་རྟེན་གྱི་ཁམས་ཐམས་ཅད་དུ་གཤེགས་པ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། ། ༥ ཆོས་ཀྱི་དབྱིངས་ཐུགས་སུ་ཆུད་པའི་ཡེ་ཤེས་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །༦ འཇིག་རྟེན་གྱི་ཁམས་ཐམས་ཅད་མ་ལུས་པར་སྐུས་ཁྱབ་ཅིང་། སངས་རྒྱས་ཀྱི་སྐུ་རྣམ་པར་ཕྱེ་བ་སྣ་ཚོགས་ཐམས་ཅད་དུ་མི་གཉིས་པ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །༧ གསུང་གི་ཡན་ལག་ཐམས་ཅད་ལ་སེམས་ཅན་མོས་པར་བྱ་བ་དང་། ཐོས་པར་བྱ་བ་དང་། གདུལ་བར་བྱ་བ་དོན་ཡོད་པར་ཐ་དད་པ་ཡང་དག་པར་མཁྱེན་པ་ཐོགས་པ་མེད་པས་བསྟན་པའི་ཚུལ་དུ་ཐ་དད་པ་ཡང་དག་པར་མཁྱེན་པ་བཞི་འབྱུང་བ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །༨ སངས་རྒྱས་བཅོམ་ལྡན་འདས་རྣམས་ཀྱི་བུ་སྤུའི་བུ་ག་གཅིག་ནས། དེ་བཞིན་གཤེགས་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་བསམ་གྱིས་མི་ཁྱབ་ཅིང་ཐོགས་པ་མེད་པའི་ཚུལ་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་ཐབས་ཀྱིས་འབྱུང་ཞིང་། དེ་བཞིན་དུ་སངས་རྒྱས་ཀྱི་སྐུའི་བ་སྤུའི་བུ་ག་ཐམས་ཅད་ནས་འབྱུང་བ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །༩ དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡུལ་ཤིན་ཏུ་ཕྲ་བ་གཅིག་ལ་སངས་རྒྱས་ཀྱི་ཞིང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཡོངས་སུ་སྟོན་ཅིང་། སངས་རྒྱས་ཀྱི་རྒྱན་དང་། རང་བཞིན་གྱི་ལྷབ་ལྷུབ་དང་། ཆོས་ཀྱི་འཁོར་ལོ་བསྐོར་བ་རྒྱུན་མི་འཆད་ཅིང་། སེམས་ཅན་རྣམ་པར་འདུལ་བ་ཐོགས་པ་མེད་པ་ལ་འཇིག་རྟེན་གྱི་ཁམས་དེ་དག་ཏུ་གཏོགས་པ་རྣམས་ལའང་མི་བདེ་བ་དང་། གནོད་པ་མེད་ཀྱང་རྡུལ་ཤིན་ཏུ་ཕྲ་བ་དེ་ཡང་ཡངས་པར་མ་བྱས། འཇིག་རྟེན་གྱི་ཁམས་དེ་དག་ཀྱང་ཆུང་བར་མ་བྱས་པར་ཇི་ལྟར་གནས་པའི་ཆོས་ཀྱི་དབྱིངས་ཀྱང་ཐུགས་སུ་ཆུད་པའི་ཡེ་ཤེས་མངའ་བ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །༡༠ མུན་པ་མེད་པའི་ཁམས་དེ་བཞིན་གཤེགས་པས་མངོན་པར་སངས་རྒྱས་ཏེ། སངས་རྒྱས་ཀྱི་ཆོས་ཐམས་ཅད་ལ་མུན་པ་མེད་ཅིང་བསྒྲིབས་པ་མི་མངའ་ལ། སེམས་ཅན་ཕ་རོལ་གྱི་བསྒྲིབས་པ་སྣ་ཚོགས་ཀྱི་གནས་རྣམ་པར་སེལ་ན། དེ་ལ་དེ་བཅོམ་ལྡན་འདས་དེ་བཞིན་གཤེགས་པའི་སྟོབས་བཅུ་དང་ལྡན་པ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །
Domain	ཆོས་ལུགས།