89444
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | འཕགས་པ་སངས་རྒྱས་ཀྱི་སྟོབས་བསྐྱེད་པའི་ཆོ་འཕྲུལ་རྣམ་པར་འཕྲུལ་བ་བསྟན་པའི་མདོ་ལས་བྱུང་བ་སྟེ། ༡ སངས་རྒྱས་བཅོམ་ལྡན་འདས་རྣམས་ཀྱི་སྔོན་གྱི་སྨོན་ལམ་ཤིན་ཏུ་རྣམ་པར་དག་པ། ༢ སངས་རྒྱས་བཅོམ་ལྡན་འདས་ཀྱི་ཚངས་པར་སྤྱོད་པ་དང་། སངས་རྒྱས་བཅོམ་ལྡན་འདས་རྣམས་ཀྱི་མ་ཆགས་པའི་ཚུལ་ཁྲིམས་རྣམ་པར་དག་ཅིང་ཤིན་ཏུ་རྣམ་པར་དག་པ། ༣ སངས་རྒྱས་བཅོམ་ལྡན་འདས་ཀྱིས་སེམས་ཅན་ཐམས་ཅད་ཕུང་པོ་ལས་བྱུང་བའི་མཛད་པ་ཤིན་ཏུ་རྣམ་པར་དག་པ། ༤ སངས་རྒྱས་བཅོམ་ལྡན་འདས་ཀྱི་སངས་རྒྱས་ཀྱི་ཞིང་ཤིན་ཏུ་རྣམ་པར་དག་པ། ༥ སངས་རྒྱས་བཅོམ་ལྡན་འདས་ཀྱི་གཡོག་འཁོར་ཤིན་ཏུ་རྣམ་པར་དག་པ། ༦ སངས་རྒྱས་བཅོམ་ལྡན་འདས་ཀྱི་ཆོས་ཀྱི་སྐུ་ཤིན་ཏུ་རྣམ་པར་དག་པ། ༧ སངས་རྒྱས་བཅོམ་ལྡན་འདས་ཀྱི་གཟུགས་ཀྱི་སྐུའི་མཚན་དང་། དཔེ་བྱད་བཟང་པོ་རྣམ་པར་དག་ཅིང་ཤིན་ཏུ་རྣམ་པར་དག་པ། ༨ སངས་རྒྱས་བཅོམ་ལྡན་འདས་ཀྱི་ཆོས་ཀྱི་སྐུ་ཤིན་ཏུ་རྣམ་པར་དག་པ། ༩ སངས་རྒྱས་བཅོམ་ལྡན་འདས་ཀྱི་བསྒྲིབས་པ་མེད་པའི་ཐམས་ཅད་མཁྱེན་པའི་ཡེ་ཤེས་ཀྱི་ཕུང་པོ་ཤི་ཏུ་རྣམ་པར་དག་པ། ༡༠ སངས་རྒྱས་བཅོམ་ལྡན་འདས་ཀྱིས་སངས་རྒྱས་ཐམས་ཅད་ཀྱི་རྣམ་པར་ཐར་པ་དང་། རྣམ་པར་གནོན་པར་མཛད་པ་དམ་པའི་མཆོག་བརྙེས་པ་ཤིན་ཏུ་རྣམ་པར་དག་པའོ། ། ཕལ་ཆེན་ལས་བྱུང་བ་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྣམ་པར་དག་པ་བཅུ་སྟེ། ༡ སངས་རྒྱས་བཅོམ་ལྡན་འདས་རྣམས་ནི་སངས་རྒྱས་ཀྱི་ཚངས་པའི་སྤྱོད་པ་རྣམ་པར་དག་པ་ལ། སྔོན་གྱི་སྨོན་ལམ་གྱིས་ཤིན་ཏུ་རྣམ་པར་དག་པ་ཡིན། ༢ སངས་རྒྱས་བཅོམ་ལྡན་འདས་རྣམས་ནི་ཆགས་པ་མེད་པའི་ཚུལ་ཁྲིམས་ཀྱིས་ཤིན་ཏུ་རྣམ་པར་དག་པ་ཡིན། ༣ སངས་རྒྱས་བཅོམ་ལྡན་འདས་རྣམས་ནི། སེམས་ཅན་ཐམས་ཅད་ཀྱི་ཉོན་མོངས་པ་སེལ་བས་ཤིན་ཏུ་རྣམ་པར་དག་པ་ཡིན། ༤ སངས་རྒྱས་བཅོམ་ལྡན་འདས་རྣམས་ནི། སངས་རྒྱས་ཀྱི་ཞིང་གིས་ཤིན་ཏུ་རྣམ་པར་དག་པ་ཡིན། ༥ སངས་རྒྱས་བཅོམ་ལྡན་འདས་ནི་འཁོར་གྱིས་ཤིན་ཏུ་རྣམ་པར་དག་པ་ཡིན། ༦ སངས་རྒྱས་བཅོམ་ལྡན་རྣམས་ནི་རིགས་རྣམ་པར་དག་པས་ཤིན་ཏུ་རྣམ་པར་དག་པ་ཡིན། ༧ སངས་རྒྱས་བཅོམ་ལྡན་རྣམས་ནི། གཟུགས་ཀྱི་སྐུའི་མཚན་དང་དཔེ་བྱད་བཟང་པོ་རྣམ་པར་དག་པས་ཤིན་ཏུ་རྣམ་པར་དག་པ་ཡིན། ༨ སངས་རྒྱས་བཅོམ་ལྡན་འདས་རྣམས་ནི། ཆོས་ཀྱི་སྐུ་རྙོག་པ་མེད་པས་ཤིན་ཏུ་རྣམ་པར་དག་པ་ཡིན། ༩ སངས་རྒྱས་བཅོམ་ལྡན་འདས་རྣམས་ནི། ཐམས་ཅད་མཁྱེན་པའི་ཡེ་ཤེས་ཀྱི་ཕུང་པོ་བསྒྲིབས་པ་མེད་པ་ཤིན་ཏུ་རྣམ་པར་དག་པ་ཡིན། ༡༠ སངས་རྒྱས་བཅོམ་ལྡན་འདས་རྣམས་ནི། སངས་རྒྱས་ཀྱི་རྣམ་པར་ཐར་པ་ཐམས་ཅད་ལ་མཐུ་ཆེན་པོ་བརྙེས་ཤིང་། ཕ་རོལ་ཏུ་ཕྱིན་པ་དམ་པ་བརྙེས་པས་ཤིན་ཏུ་རྣམ་པར་དག་པ་ཡིན་ནོ། ། |
| Domain | ཆོས་ལུགས། |