8978

གཞི་ངོ་བོ་ཉིད་སྙིང་པོ་ཡང་དག་པའི་གདམས་ངག་ཚིག་གསུམ་ (1)

Part of speech	མིང་ཚིག
Definition	སྔགས། རྫོགས་ཆེན། རྙིང་མ། གཞི་ངོ་བོ་ཉིད་སྙིང་པོ་ཡང་དག་པའི་གདམས་ངག་ཚིག་གསུམ་ནི། སྐྱེ་མེད་ཀ་དག དངོས་མེད་ཟང་ཀ བྱར་མེད་བློ་འདས་ཏེ། ཉི་ཟླ་འབར་བའི་སྒྲོན་མ་ལས། ཆོས་སྐུ་ངོ་བོ་ཉིད་འཆང་བ། །ཞེས་པ། ཆོས་ཀུན་ནི་ཕུང་པོ་དང་ཁམས་དང་སྐྱེ་མཆེད་ཀྱིས་བསྡུས་པའི་ཆོས་མ་ལུས་པའི་ངོ་བོ་ཆོས་ཉིད་དོན་དམ་པ་གཅིག་མ་ཤེས་ན། གཞན་ཐ་སྙད་ཀྱི་ཆོས་ཅི་ཙམ་ཤེས་ཀྱང་མི་ཕན་ནོ། །ཆོས་ཐམས་ཅད་ཀྱི་ངོ་བོ་ཉིད་ཆེན་པོ་དེ་ནི་གསང་བདག་ཆེན་པོས་ཀྱང་མཚོན་དུ་མི་ནུས་སོ། །མིང་ཙམ་ལས་འདི་ཞེས་བསྟན་པར་ནི་རྡོ་རྗེ་སེམས་དཔས་ཀྱང་མཚོན་དུ་མེད་ཅེས་གསུངས་སོ། །རེ་ཞིག་མ་རྟོགས་པ་སློབ་མའི་བློ་ལ་མཚོན་ནས་བསྟན་ན། ཨཏྨདྷརྨཛྙཱནདྷཱཏུབྷྱོཡདྷིཏཨཱཾཨ། ཞེས་གསུངས་སོ། །ཆོས་ཐམས་ཅད་ནི་ནམ་མཁའ་ལྟ་བུའོ། །ནམ་མཁའ་ནི་ཇི་ལྟ་བུ་ཞེ་ན། ནམ་མཁའ་ནི་མཐའ་དང་དབུས་མེད་དེ་ཕྱོགས་དང་རིས་མེད་པའོ། །ནམ་མཁའ་བསྟན་ཏུ་བཏུབ་བམ་ཞེ་ན། ཆོས་ཉིད་ནམ་མཁའ་བསྟན་དུ་མི་བཏུབ་སྟེ། མཚོན་བརྗོད་ཐམས་ཅད་ལས་འདས་སོ། །དེ་བཞིན་དུ་ཆོས་ཉིད་ངོ་བོ་ཉིད་དང་། མཐའ་དབུས་མི་གནས་ཏེ། ཕྱོགས་རིས་དང་ང་བདག་ཐམས་ཅད་ལས་འདས། རེ་ཞིག་བསྟན་ན། སྐྱེ་མེད་སྣ་ཚོགས། ཅང་མེད། ཅིར་སྣང་། ཡེ་མེད། ཀུན་གཞི། མེད་ལས་ཀུན་འབྱུང་། དངོས་མེད་སྣ་ཚོགས་སོ། །སྐལ་ལྡན་སྐྱེས་བུ་ཆེན་པོ་དེས། འོན་ཀྱང་དེ་ལྟར་མ་རྟོགས་པ་དེ་ལས། རེ་ཞིག་ཏུ་ཆོས་ཀུན་གཞི་ངོ་བོ་ཉིད་སྙིང་པོ་ཡང་དག་པའི་གདམས་ངག་ཚིག་གསུམ་བསྟན་ཏེ། སྐྱེ་མེད་ཀ་དག དངོས་མེད་ཟང་ཀ།བྱར་མེད་བློ་འདས་སོ། །ཞེས་གསུངས།
Domain	ཆོས་ལུགས།

{{#arraymap:གཞི་ངོ་བོ་ཉིད་སྙིང་པོ་ཡང་དག་པའི་གདམས་ངག་ཚིག་གསུམ་

|; |@@@ | | }}