89786

ཤེས་ནས་དད་པ་ཐོབ་པ་བཞི་ (1)

Part of speech	མིང་ཚིག
Definition	མདོ། མངོན་པ། མདོ་ལས། སངས་རྒྱས་དང་ཆོས་དང་དགེ་འདུན་ལ་ཤེས་ནས་དད་པ་ཐོབ་ཅིང་འཕགས་པ་དགྱེས་པའི་ཚུལ་ཁྲིམས་ཐོབ་པ་ཞེས་ཤེས་ནས་དད་པ་ཐོབ་པ་བཞི་བཤད་ན་བྱང་ཆུབ་ཀྱི་ཕྱོགས་མཐུན་ལ་གནས་པ་དེ་དག་གནས་སྐབས་གང་དུ་ཤེས་ནས་དད་པ་ཇི་ལྟར་ཐོབ་ཅིང་དེ་དག་གི་ངོ་བོ་ཡང་གང་ཞེ་ན། མཐོང་ལམ་དུ་སྡུག་བསྔལ་ལ་སོགས་པའི་བདེན་པ་དང་པོ་གསུམ་མངོན་སུམ་དུ་མཐོང་ན་དེ་དག་ཆོས་ཡིན་པའི་ཕྱིར་དང་། སངས་རྒྱས་དང་དགེ་འདུན་གྱི་ངོ་བོ་མ་ཡིན་པས་འཕགས་པ་དགྱེས་པའི་ཚུལ་ཁྲིམས་དང་ཆོས་ལ་ཤེས་ནས་དད་པ་འཐོབ། སངས་རྒྱས་དང་དགེ་འདུན་ལ་ཤེས་ནས་དད་པ་མི་འཐོབ་ལ། ལམ་གྱི་བདེན་པ་མངོན་སུམ་དུ་རྟོགས་ན་ལམ་བདེན་ནི་དེ་གཉིས་སུ་བྱེད་པའི་ཆོས་ཡིན་པས་སངས་རྒྱས་དང་སངས་རྒྱས་དེའི་ཉན་ཐོས་ཀྱི་དགེ་འདུན་དག་ལ་ཡང་ཤེས་ནས་དད་པ་འཐོབ་བོ། །ཡང་གི་སྒྲ་ནི་ཚུལ་ཁྲིམས་དང་ཆོས་ལ་ཤེས་ནས་དད་པ་འཐོབ་པའང་སྡུད་པའོ། །འདིར་འདི་ལ་འཕགས་པ་རྣམས་དགྱེས་ཤིང་མཉེས་པར་གྱུར་པས་ན་འཕགས་པ་དགྱེས་པའི་ཚུལ་ཁྲིམས་ནི་ཟག་མེད་ཀྱི་སྡོམ་པ་ཡིན་ལ་ཤེས་ནས་དད་པ་ནི་བདེན་པ་རྣམས་ཡང་དག་པ་ཇི་ལྟ་བ་བཞིན་མངོན་སུམ་དུ་རྟོགས་ནས་ཡིད་ཆེས་པའོ། །བདེན་པ་དང་པོ་གསུམ་མཐོང་བ་ན་ཇི་ལྟར་ཆོས་ལ་ཤེས་ནས་དད་པ་འཐོབ་པར་འགྱུར་ཏེ། ཆོས་ནི་སློབ་པ་དང་མི་སློབ་པ་ཡིན་ལ་དེ་ཡང་ལམ་གྱི་བདེན་པ་ཡིན་པའི་ཕྱིར་རོ། །གལ་ཏེ་བདེན་པ་དེ་ཁོ་ན་ལ་ཆོས་སུ་འདོད་ན་སྡུག་བསྔལ་མཐོང་བ་ཙམ་ན་ཆོས་ལ་ཤེས་ནས་དད་པ་འཐོབ་པར་འགྱུར་རོ། །དེ་ལྟ་ནའང་བདེན་གསུམ་མཐོང་ན་ཞེས་ཇི་ལྟར་བརྗོད་ཅེ་ན། འདིར་ཆོས་ཀྱི་སྒྲ་ནི་བདེན་པ་དང་པོ་གསུམ་ལ་བརྗོད་དེ། དེ་དག་གི་དེ་ཁོ་ན་ཉིད་ནི་ཆོས་ཡིན་པའི་ཕྱིར་དང་། འགོག་པ་ནི་ཆོས་རྣམས་ཀྱི་མཆོག་ཀྱང་ཡིན་པའི་ཕྱིར་རོ། །དེའི་ཕྱིར་བདེན་པ་གསུམ་མཐོང་ན་ཆོས་ལ་ཤེས་ནས་དད་པ་འཐོབ་ཅེས་བྱ་བའང་བདེན་པ་གསུམ་ཅི་རིགས་པར་མཐོང་བ་ལ་འདོད་ཀྱི་ཚོགས་པ་ནི་མ་ཡིན་ནོ། །དེ་བཞིན་དུ་རང་སངས་རྒྱས་ཀྱི་སློབ་མི་སློབ་ཀྱི་ལམ་དང་། བྱང་ཆུབ་སེམས་དཔའི་སློབ་པའི་གནས་སྐབས་ཀྱི་ལམ་ཟག་པ་མེད་པའང་ཆོས་ཡིན་ཏེ། དེ་དག་གི་མངོན་པར་རྟོགས་པའི་ཆོས་ཡིན་ཞིང་ཚོགས་པ་མ་ཡིན་པས་དགེ་འདུན་མ་ཡིན་ལ་སངས་རྒྱས་ཀྱང་མ་ཡིན་པའི་ཕྱིར་རོ། །དེས་ན་རང་སངས་རྒྱས་དང་བྱང་ཆུབ་སེམས་དཔའི་ལམ་ཆོས་ཡིན་པས་བདེན་པས་བཞི་ཆར་ཡང་ཆོས་ཡིན་པའི་ཕྱིར་བདེན་པ་བཞི་ཆར་མངོན་པར་རྟོགས་ན་ཆོས་ལ་ཤེས་ནས་དད་པ་འཐོབ་པར་འགྱུར་བ་ཡིན་ནོ། །ཤེས་ནས་དད་པ་བཞིར་གསུངས་པ་དེ་དག་ཀྱང་དད་པའི་ཡུལ་ལམ་གཞི་དཀོན་མཆོག་གསུམ་གྱི་བྱེ་བྲག་གིས་མིང་གི་སྒོ་ནས་བཞི་ཡིན་གྱི་རྫས་སུ་ནི་གཉིས་ཡིན་ཏེ། དཀོན་མཆོག་གསུམ་ལ་དད་པ་ནི་དད་པའི་རང་བཞིན་དང་འཕགས་པ་དགྱེས་པའི་ཚུལ་ཁྲིམས་ནི་ཚུལ་ཁྲིམས་ཀྱི་རང་བཞིན་ནོ། །འདི་ཡང་སེམས་དང་བའི་སྟོབས་ཀྱིས་ཚུལ་ཁྲིམས་ཀྱང་དག་པ་ཡིན་པའི་ཕྱིར་རྒྱུའི་མིང་གིས་འབྲས་བུ་ལ་བཏགས་ནས་ཤེས་ནས་དད་པའི་མིང་གིས་བཏགས་སོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།

{{#arraymap:ཤེས་ནས་དད་པ་ཐོབ་པ་བཞི་

|; |@@@ | | }}