89791

ཤེས་པ་གསུམ་ལས་བཅུ་ཕྱེ་བའི་རྒྱུ་མཚན་ (1)

Part of speech	མིང་ཚིག
Definition	མདོ། མངོན་པ། ཅིའི་ཕྱིར་ཤེས་པ་གསུམ་པོ་དེ་དག་བཅུར་ཕྱེ་ཞེ་ན། ཟག་བཅས་ཀྱི་རང་བཞིན་ལས་ནི་ཀུན་རྫོབ་ཤེས་པ་སྟེ། །དེས་ཀུན་རྫོབ་ཤེས་ཀྱི་དོན་དམ་མི་ཤེས་པའི་ཕྱིར་རོ། །གཉེན་པོ་ལས་ནི་ཆོས་ཤེས་དང་རྗེས་ཤེས་གཉིས་ཏེ། རིམ་པ་ལྟར་འདོད་པ་དང་གོང་མའི་གཉེན་པོ་བྱེད་པའི་ཕྱིར་རོ། །རྣམ་པ་ལས་ནི་སྡུག་བསྔལ་དང་ཀུན་འབྱུང་ཤེས་པ་ཕྱེ་སྟེ་གཉིས་ཀའང་ཉེར་ལེན་གྱི་ཕུང་པོ་ལ་དམིགས་པས་དམིགས་པ་ཐ་དད་མེད་པའི་ཕྱིར་དང་། རྣམ་པ་མི་རྟག་པ་ལ་སོགས་པ་དང་རྒྱུ་ལ་སོགས་པ་མི་འདྲ་བས་བཞག་པའི་ཕྱིར་རོ། །རྣམ་པ་དང་སྤྱོད་ཡུལ་ཏེ་དམིགས་པ་གཉིས་ཀ་ལས་ནི་འགོག་པ་དང་ལས་ཤེས་པ་དག་ཕྱེ་སྟེ། འགོག་པ་ལ་སོགས་པ་དང་ལམ་ལ་སོགས་པའི་རྣམ་པའང་ཐ་དད་ཅིང་དམིགས་པ་འདུས་མ་བྱས་དང་འདུས་བྱས་ཀྱང་ཐ་དད་པའི་ཕྱིར་རོ། །སྦྱོར་བ་ལས་ནི་ཕ་རོལ་གྱི་སེམས་ཤེས་པ་ཕྱེ་སྟེ། དེས་སེམས་བྱུང་ཡང་ཤེས་མོད་ཀྱི་གཞན་གྱི་སེམས་ཤེས་པར་བྱའོ་ཞེས་སྦྱོར་གྱི་སེམས་བྱུང་ཤེས་པར་བྱའོ་ཞེས་མི་སྦྱོར་བའི་ཕྱིར་རོ། །བྱ་བ་བྱས་པ་ཉིད་ལས་ནི་ཟད་པ་ཤེས་པ་སྟེ། བྱ་བ་བྱས་པའི་རྒྱུད་ལ་དང་པོ་ཉིད་དུ་སྐྱེ་བའི་ཕྱིར་རོ། །སྐལ་མཉམ་གྱི་རྒྱུ་རྒྱས་པ་ལས་ནི་མི་སྐྱེ་བ་ཤེས་པ་སྟེ། ཟག་མེད་ཀྱི་ཤེས་པ་སྔར་བསྐྱེད་པ་ཐམས་ཅད་ཀྱི་འབྲས་བུ་ཡིན་པའི་ཕྱིར་རོ། །དེས་ན་རྒྱུ་བདུན་པོ་དེ་དག་གིས་ཤེས་པ་བཅུར་རྣམ་པར་བཞག་པ་ཡིན་ནོ་ཞེས་བྱེ་བྲག་ཏུ་སྨྲ་བ་འཆད་དོ། །འོན་ཀྱང་འདི་དག ། རང་བཞིན་དང་ནི་གཉེན་པོ་དང་། །ཡུལ་དང་ཤེས་པའི་རྣམ་པ་ལས་ཀུན་རྫོབ་ཤེས་སོགས་རྣམ་པ་བཅུར། །འདྲེན་པས་རབ་ཏུ་གསུངས་པ་ཡིན་ཞེས་ཤེས་པར་བྱའོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།