89850

ཤེས་བཞིན་དང་ཤེས་བཞིན་མ་ཡིན་པས་མངལ་དུ་འཇུག་པ་ (1)

Part of speech	མིང་ཚིག
Definition	མདོ། མངོན་པ། ཤེས་བཞིན་མ་ཡིན་པར་མངལ་དུ་འཇུག་པ་ནི་གཉིས་ལས་སེམས་ཅན་དབང་ཆུང་བར་གྲགས་པ་རྣམས་ནི་མའི་མངལ་དུ་འཇུག་པ་ན་རླུང་ལངས་པའམ་ཆར་པ་འབབ་པའམ་གྲང་བའམ་ཡུལ་ངན་ནམ་སྐྱེ་བོ་ཕལ་མོ་ཆེའི་ཅ་ཅོ་འདོན་པ་སྙམ་བྱེད་ནས་རྩྭ་ཐིབས་པོའམ་ནགས་ཐིབས་པོའམ་རྩྭ་དང་ལོ་མའི་སྤྱིལ་པོ་དང་ཤིང་དྲུང་ངམ་རྩིག་པའི་དྲུང་དུ་འགྲོའོ་སྙམ་ནས་འཇུག་ལ། གནས་པ་དང་འབྱུང་བ་ནའང་དེ་དག་ཏུ་གནས་པ་དང་དེ་དག་ནས་འབྱུང་བའི་འདུ་ཤེས་དང་མོས་པ་ཕྱིན་ཅི་ལོག་འབྱུང་ངོ་། །སེམས་ཅན་དབང་ཆེ་བར་གྲགས་པ་རྣམས་ནི་འཇུག་པ་ན་ཀུན་དགའ་རྭ་བའམ་སྐྱེད་མོས་ཚལ་ལམ་ཁང་བཟང་དུ་འཇུག་པའམ། ཁང་པ་བརྩེགས་པའམ། ཁྲི་ལ་འཛེག་གོ་སྙམ་པ་དང་། གནས་པ་དང་འབྱུང་བ་ན་ཡང་དེ་དག་ཏུ་གནས་སོ། །དེ་དག་ནས་འབྱུང་ངོ་སྙམ་དུ་འདུ་ཤེས་དང་མོས་པ་ཕྱིན་ཅི་ལོག་འབྱུང་བའོ། །ཤེས་བཞིན་དུ་འཇུག་པ་ནི་མའི་མངལ་ཉིད་དུ་ཤེས་ནས་དེ་ཉིད་དུ་འཇུག་པ་དང་གནས་པ་དང་དེ་ཉིད་ནས་འབྱུང་བར་ཤེས་པས་ཕྱིན་ཅི་ལོག་གི་འདུ་ཤེས་དང་མོས་པ་མི་འབྱུང་བའོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།