89940

ཤེས་རབ་ཀྱི་ཕན་ཡོན་ (1)

Part of speech	མིང་ཚིག
Definition	མདོ། ཕར་ཕྱིན། ཚེ་འདིར་འབྱུང་བའི་ཕན་ཡོན་ནི། ཤེས་རབ་ལེགས་པར་སྦྱངས་པས་ཤེས་བྱ་ལ་མཁས་པའི་བློ་གྲོས། ཀུན་ལ་མི་འཇིགས་པའི་སྤོབས་པ། རྣམ་པར་དག་པའི་བརྗོད་པ་རྣམས་ཐོབ་ནས་རང་གི་ཤེས་རབ་རྣམ་པར་གྲོལ་ནས། ཡིད་བདེ་ལ། མཁས་པ་མཁས་པ་ཞེས་བྱ་བའི་གྲངས་སུ་འགྲོ། ལྷ་དང་བཅས་པའི་འཇིག་རྟེན་དུ་སྙན་པའི་གྲགས་པས་ཁྱབ། འཇིག་རྟེན་ཐམས་ཅད་ཀྱི་ཚད་མའི་གནས་སུ་འགྱུར་བ་ལ་སོགས་པའི་ཡོན་ཏན་མང་པོ་འཐོབ་བོ། །ཕྱི་མར་འབྱུང་བ་ནི། གང་དང་གང་དུ་སྐྱེས་པར་ཤེས་རབ་ཕུན་སུམ་ཚོགས། དབང་པོ་རྣོ། ཐོས་པ་འཛིན། སངས་རྒྱས་དང་བྱང་ཆུབ་སེམས་དཔའ་རྣམས་དང་འབེལ་པའི་གཏམ་བྱེད་ནུས། རང་གི་ཤེས་བྱའི་སྒྲིབ་པ་སྤོང། གཞན་ལ་ཆོས་ཀྱི་འཁོར་ལོ་ཕྱིན་ཅི་མ་ལོག་པ་སྐོར་བ་ལ་སོགས་པ་འབྱུང་སྟེ། སྡུད་པ་ལས། ཤེས་རབ་ཀྱིས་ནི་ཆོས་ཀྱི་རང་བཞིན་ཡོངས་ཤེས་ནས། །ཁམས་གསུམ་མ་ལུས་པ་ལས་ཡང་དག་འདའ་བར་འགྱུར། །ཞེས་བྱ་བ་ལ་སོགས་པ་གསུངས་པས་སོ། །མཐཪ་ཐུག་གི་ཕན་ཡོན་ནི། མངོན་པར་རྫོགས་པར་སངས་རྒྱས་པ་ན། ཤེས་བྱ་ཇི་ལྟ་བ་དང་ཇི་སྙེད་པ་མཁྱེན། སོ་སོ་ཡང་དག་པར་རིག་པ་བཞིའི་སྤོབས་པ་འཐོབ། མི་འཇིགས་པ་བཞི་དང་ལྡན་པས་རྒོལ་བ་ངན་པ་ཐམས་ཅད་ཚར་གཅོད་པར་འགྱུར་ཏེ། རྟེན་དང་བརྟེན་པ་བཤད་བྱ་དང། །གསུང་དང་མཁྱེན་པ་འཆད་བྱེད་ལ། །བློ་གྲོས་རྟག་ཐོགས་མི་མངའ་བས། །ལེགས་སྟོན་ཁྱོད་ལ་ཕྱག་འཚལ་ལོ། །ཞེས་བྱ་བ་ལ་སོགས་པ་གསུངས་པ་ལྟར་རོ། །ཞེས་ཆོས་རྗེ་ས་པཎ་གྱི་ཐུབ་པ་དགོངས་གསལ་ལས་སོ། །
Domain	ཆོས་ལུགས།