89986

ཤེས་རབ་ཕར་ཕྱིན་ (1)

Part of speech	མིང་ཚིག
Definition	མདོ། དབུ་མ། ཤེས་རབ་ཀྱི་མཚན་ཉིད། ཤེས་བྱའི་གནས་ལུགས་ཇི་ལྟ་བ་བཞིན་དུ་རྟོགས་པའོ། །དེ་སྦྱོར་དངོས་རྗེས་གསུམ་གྱིས་ཟིན་ན་ཤེས་རབ་ཀྱི་ཕ་རོལ་ཏུ་ཕྱིན་པར་འགྱུར་རོ། །ཞེས་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་དབྱེ་ན། སྦྱོར་བ་ལྟ་བས་སྤྲོས་པ་བཅད་པ། དངོས་གཞི་བསྒོམས་པས་དོན་ཉམས་སུ་བླངས་པ། རྗེས་སྤྱོད་པས་མཐར་ཕྱིན་པར་གསུམ་མོ། །ཞེས་ཆོས་རྗེ་ས་པཎ་གྱིས་ཐུབ་པ་དགོངས་གསལ་ལས་གསུངས་སོ། ། མཚན་ཉིད་ནི། འཁོར་གསུམ་ཡོངས་སུ་དག་པའི་ཆོས་རབ་ཏུ་རྣམ་འབྱེད་དོ། །སྒྲ་དོན། དོན་དམ་པ་ཤེས་པའི་ཕྱིར་བཤད་དོ། །དབྱེ་ན་གསུམ་སྟེ། རྣམ་པར་མི་རྟོག་པའི་སྦྱོར་བ་དང། དངོས་གཞི་དང། རྗེས་ལས་ཐོབ་པའི་ཤེས་རབ་བོ། །ཞེས་ཀུན་མཁྱེན་རོང་སྟོན་ཆེན་པོས་རྣམ་བཤད་ཚིག་དོན་རབ་གསལ་ལས་གསུངས་སོ། ། ཤེས་རབ་ནི་ཆགས་པ་མེད་པའི་མཚན་ཉིད་ཅན་ཏེ། ཆོས་རང་བཞིན་མེད་པར་ཤེས་པས་ཆོས་གང་ལ་ཡང་ཆགས་པ་མེད་པའི་ཕྱིར་རོ། །ཤེས་རབ་ཀྱི་ཕ་རོལ་དུ་ཕྱིན་པ་གང་ཞེ་ན། རྟེན་ཅིང་འབྲེལ་བར་འབྱུང་བ་ཡང་དག་པའི་ལྟ་བས་སྤྲོས་པའི་མཐའ་བྲལ་དུ་རྟོགས་པའི་དོན་ལ་རྩེ་གཅིག་པའི་ཞི་གནས་ལ་བརྟེན་ཏེ་སྟོང་ཉིད་རྟོགས་པའི་ལྟ་བ་ཡང་དང་ཡང་དུ་གོམས་པར་བྱས་པ་ལས་གོམས་པ་མཐར་ཕྱིན་པའི་ཚེ་ཤེས་བྱ་དང་ཤེས་བྱེད་ཀྱི་སྤྲོས་པ་ཉེ་བར་ཞི་བའི་ཆོས་ལ་བློ་གྲོས་གཡོ་བ་མེད་པར་སྤྲོས་མེད་ཀྱི་དབྱིངས་དང་ནམ་མཁའ་ལ་ཉི་མའི་འོད་བཞིན་དུ་དབྱེར་མེད་དུ་གྱུར་པ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བརྗོད་དོ་ཞེས་རོང་སྟོན་གྱི་དབུ་འཇུག་རྣམ་བཤད་ངེས་དོན་རྣམ་ངེས་ལས་གསུངས་སོ། ། ཤེས་རབ་ནི། དོན་དམ་ཤེས་པ་སྟེ། དབྱེ་ན། རྣམ་པར་མི་རྟོག་པའི་སྦྱོར་དངོས་རྗེས་གསུམ་གྱིས་བསྡུས་པའི་ཤེས་རབ་གསུམ་མོ་ཞེས་ཀུན་མཁྱེན་གོ་རམས་པས་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།