90014

ཤེས་རབ་ཡོངས་སུ་དག་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། ༡ འདི་ལྟར་འབྲས་བུ་ཆུད་མི་ཟ་བའི་ཚུལ་གྱིས་རྒྱུ་རབ་ཏུ་ཤེས་པའི་ཤེས་རབ་ཡོངས་སུ་དག་པ། ༢ ཚོགས་པ་དང་མི་འགལ་བའི་ཕྱིར་རྐྱེན་ཐམས་ཅད་ལ་འཇུག་པའི་ཤེས་རབ་ཡོངས་སུ་དག་པ། ༣ རྟེན་ཅིང་འབྲེལ་བ་ལ་འཇུག་པ་ཇི་ལྟ་བ་བཞིན་དུ་ཤེས་པའི་ཕྱིར། རྟག་པ་དང་ཆད་པ་མེད་པའི་ཤེས་རབ་ཡོངས་སུ་དག་པ། ༤ སེམས་ཅན་དུ་འཛིན་པ་སྤོང་པའི་ཕྱིར། ལྟ་བ་ཐམས་ཅད་སེལ་བའི་ཤེས་རབ་ཡོངས་སུ་དག་པ། ༥ སྒྱུ་མའི་རང་བཞིན་དུ་ཡོངས་སུ་བརྟག་པའི་ཕྱིར། སེམས་ཅན་ཐམས་ཅད་ཀྱི་སེམས་དང་སྤྱོད་པ་ལ་རྣམ་པར་ལྟ་བའི་ཤེས་རབ་ཡོངས་སུ་དག་པ། ༦ ཚིག་གི་བྱེ་བྲག་ཐམས་ཅད་བསྟན་པ་ཐོགས་པ་མེད་པར་ལུང་བསྟན་པའི་ཕྱིར་ཐ་དད་པ་ཡང་དག་པར་ཤེས་པ་ཆེན་པོ་ལ་འཇུག་པའི་ཤེས་རབ་ཡོངས་སུ་དག་པ། ༧ དེ་བཞིན་གཤེགས་པ་ཐམས་ཅད་ཀྱི་མཁྱེན་པ་དང༌། མཁས་པའི་རྗེས་སུ་ཞུགས་པའི་ཕྱིར། བདུད་དང༌། ཕས་ཀྱི་རྒོལ་བ་དང༌། ཉན་ཐོས་དང༌། རང་སངས་རྒྱས་ཐམས་ཅད་ཀྱིས་གཏིང་དཔག་དཀའ་བའི་ཤེས་རབ་ཡོངས་སུ་དག་པ། ༨ ཐམས་ཅད་དུ་ཆགས་པ་མེད་པའི་མཚན་ཉིད་ཀྱི་རྗེས་སུ་སོང་བའི་ཕྱིར། སངས་རྒྱས་ཐམས་ཅད་ཀྱི་སྐུ་མཐོང་བ་དང༌། སེམས་ཅན་ཐམས་ཅད་ཐོག་མ་ནས་རྣམ་པར་དག་པར་མཐོང་བ་དང༌། ཆོས་ཐམས་ཅད་དབེན་པར་མཐོང་བ་དང༌། ཞིང་ཐམས་ཅད་ནམ་མཁའི་རང་བཞིན་དུ་མཐོང་བའི་ཤེས་རབ་ཡོངས་སུ་དག་པ། ༩ ཐམས་ཅད་ལ་ཁྱད་པར་ཅན་གྱི་ཡེ་ཤེས་རྗེས་སུ་ཐོབ་པའི་ཕྱིར། གཟུངས་དང་སྤོབས་པ་ལ་བརྟེན་པའི་ཕ་རོལ་ཏུ་ཕྱིན་པ་ཐམས་ཅད་དང༌། ཐབས་ཀྱི་ལག་པ་རྐྱོང་བའི་ཤེས་རབ་ཡོངས་སུ་དག་པ། ༡༠ ཆོས་ཐམས་ཅད་ཀྱི་སྤྱི་བོར་གྱུར་པའི་ཡེ་ཤེས་རབ་ཏུ་འཐོབ་པའི་ཕྱིར། སེམས་ཀྱི་སྐད་ཅིག་གཅིག་དང་ལྡན་པས་ཆོས་ཐམས་ཅད་མཉམ་པ་ཉིད་དུ་རྟོགས་པའི་ཡེ་ཤེས་རྡོ་རྗེ་ལྟ་བུ་མི་འཁྲུགས་ཤིང་དབྱེར་མེད་པའི་མཚན་ཉིད་ཀྱི་ཤེས་རབ་ཡོངས་སུ་དག་པའོ། །
Domain	ཆོས་ལུགས།

{{#arraymap:ཤེས་རབ་ཡོངས་སུ་དག་པ་བཅུ་

|; |@@@ | | }}