90514

ས་གཡོ་བའི་རྒྱུ་མཚན་དང་ནམ་གཡོས་པའི་ཟླ་དེར་འཇིགས་པ་འབྱུང་བ་བཅུ་ (1)

Part of speech	མིང་ཚིག
Definition	སྟག་རྣའི་རྟོགས་པ་བརྗོད་པ་ལས་བྱུང་བ་སྟེ། དང་པོ། ས་གཡོ་བའི་རྒྱུ་མཚན་ནི། རྒྱུ་སྐར་ཉེར་བརྒྱད་དེ་དག་གི་ནང་ནས་ཉིན་མཚན་དུ་ལྡན་པས་འཕེལ་བ་དང༌། འགྲིབ་པར་འགྱུར་བས་འགྲིབས་པ་ལས་ཉིན་པར་འཕེལ་བའི་བཅོ་ལྔ་ལ་ཟླ་བ་ཕྱེད་ལས་གཉིས་པ་དང༌། དྲུག་པ་དང༌། དགུ་པ་དང༌། བཅུ་གཉིས་པ་དེ་དག་གི་མཚམས་འདས་ནས། ནུབ་མོས་འཛིན་པའི་རྒྱལ་པོ་ཆེན་པོ་བཞི་པོ་ཤིན་ཏུ་འཆི་བ་ཞེས་བྱ་བ་དང༌། རྣམ་པར་དག་པ་ཞེས་བྱ་བ་དང༌། འཕེལ་བ་ཞེས་བྱ་བ་དང༌། ཐ་དད་པའི་རིམ་པ་ཞེས་བྱ་བ་དེ་དག་འཐབ་པས་འབྱུང་བ་ཆེན་པོ་བཞི་གཡོ་བ་ལས་ས་འགུལ་ལོ། །ཆུ་དང༌། དབང་པོ་དང༌། རླུང་དང༌། མེ་སྟེ། ལེགས་ལྡན་རྣམ་པ་བཞི་པོའང་གང་དུ་ཟླ་བ་ཕྱེད་ལ་ལན་གསུམ་གཡོས་ཏེ། ཟླ་བ་གཅིག་ལ་ལན་དྲུག་གཡོས་པར་གྱུར་ན་ཕ་རོལ་གྱི་དམག་ཚོགས་འོང་བར་འགྱུར་རོ། །གཉིས་པ། ནམ་གཡོས་པའི་ཟླ་དེར་འཇིགས་པ་བཅུ་འབྱུང་བ་ནི། ༡ དཔྱིད་ཟླ་འབྲིང་པོ་ལ་གཡོས་ན་ཞག་བཅུའི་བར་དུ་འཇིགས་པ་འབྱུང་ངོ་། །༢ སོས་ཀའི་ཟླ་བ་དང་པོ་ལ་ཡང་དང་ཡང་དུ་གཡོས་ན་ཞག་བཅུ་གཉིས་ཀྱི་བར་དུ་འཇིགས་པ་འབྱུང་ངོ་། །༣ སོས་ཀའི་ཟླ་བ་གཉིས་པ་ལ་ཡང་ཡང་གཡོས་ན་ཉི་ཤུ་རྩ་ལྔའི་བར་དུ་འཇིགས་པ་འབྱུང་ངོ་། །༤ དབྱར་ཟླ་ར་བ་ལ་ཡང་ཡང་གཡོས་ན་ཞག་བདུན་ཅུ་རྩ་ལྔའི་བར་དུ་འཇིགས་པ་འབྱུང་ངོ་། །༥ དབྱར་ཟླ་འབྲིང་པོ་ལ་ཡང་ཡང་གཡོས་ན་ཟླ་བ་གསུམ་དང་ཞག་བཅུའི་བར་དུ་འཇིགས་པ་འབྱུང་ངོ་། །༦ སྟོན་ཟླ་ཐ་ཆུང་ལ་ཡང་ཡང་གཡོས་ན་ཞག་ལྔའི་བར་དུ་འཇིགས་པ་འབྱུང་ངོ་། །༧ དགུན་གྱི་ཟླ་བ་གཉིས་པ་ལ་ཡང་ཡང་གཡོས་ན་ཞག་ལྔ་བཅུ་རྩ་ལྔའི་བར་དུ་འཇིགས་པ་འབྱུང་ངོ་། །༨ དགུན་གྱི་ཟླ་བ་གསུམ་པ་ལ་ཡང་ཡང་གཡོས་ན་ཞག་བརྒྱའི་བར་དུ་འཇིགས་པ་འབྱུང་ངོ་། །༩ དགུན་གྱི་ཟླ་བ་བཞི་པ་ལ་ཡང་ཡང་གཡོས་ན་ཞག་ཉི་ཤུ་རྩ་ལྔའི་བར་དུ་འཇིགས་པ་འབྱུང་ངོ་། །༡༠ དཔྱིད་ཟླ་ར་བ་ལ་ཡང་ཡང་གཡོས་ན་ཞག་སུམ་ཅུའི་བར་དུ་འཇིགས་པ་འབྱུང་ངོ་། །དེ་དག་ནི་ས་གཡོས་པའི་དུས་ཇི་ཙམ་ན་སྨིན་པ་ཡིན་པར་བསྟན་ཏོ། །དེ་དག་གི་ལས་ཀྱི་འཇུག་པ་ནི་འདི་ལྟར་ཟླ་བ་ཐམས་ཅད་ལ་དུས་རྟག་ཏུ་ས་གཡོ་ཞིང་ཤིང་དང༌། རི་དང༌། ཆུ་རྣམས་གཡོ་ཞིང་ཤིང་རྣམས་ཀྱི་ལོ་མ་ལྟར་གཡོན་བསྐལ་བ་ལྷ་བུའི་འཇིགས་པ་འབྱུང་བར་བསྟན་ཏོ། །
Domain	རྩིས་རིག