90515

ས་གཡོ་བའི་རྒྱུ་རྐྱེན་བརྒྱད་ཀྱི་ཕྱིར་ས་གཡོས་པ་བརྒྱད་ (1)

Part of speech	མིང་ཚིག
Definition	འདུལ་བ་ཕྲན་ཚེགས་ཀྱི་གཞི་ལས་བྱུང་བ་སྟེ། ༡ ས་ཆེན་པོ་འདི་ནི་ཆུ་ལ་བརྟེན། ཆུ་ནི་རླུང་ལ་བརྟེན། རླུང་ནི་ནམ་མཁའ་ལ་རྟེན་པར་གྱུར་ཏེ། ནམ་གྱི་དུས་ན་ནམ་མཁའ་ལ་རླུང་མོ་ཆེ་ལྡང་ངོ་། །ནམ་མཁའ་ལས་རླུང་མོ་ཆེ་ལངས་པས་ཆུ་བསྐྱོད་དོ། །ཆུ་བསྐྱོད་པས་ས་གཡོ་བར་འགྱུར་རོ། ། ༢ དགེ་སློང་རྫུ་འཕྲུལ་ཆེན་པོ་དང་། མཐུ་ཆེན་པོ་ཡོད་དེ། དེས་ས་ཆུང་བར་འདུ་ཤེས་ཀྱིས་བྱིན་གྱིས་བརླབས་ནས། ཆུ་ནི་ཚད་མེད་པར་འདུ་ཤེས་སྦྱར་ཏེ། འདོད་ན་ཡང་ས་གཡོ་བར་འགྱུར་རོ། །དགེ་སློང་མའམ། ལྷ་ཡང་རུང་རྫུ་འཕྲུལ་ཆེ་བ་མཐུ་ཆེ་བར་གྱུར་བ་དེས་ཀྱང་ས་ཆུང་བར་འདུ་ཤེས་ཀྱིས་བྱིན་གྱིས་བརླབས་ནས་ཆུ་ནི་ཚད་མེད་པར་འདུ་ཤེས་སྦྱར་ཏེ། འདོད་ན་ཡང་ས་གཡོ་བར་འགྱུར་རོ། ། ༣ ནམ་གྱི་དུས་ན། བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ལས་ཤི་འཕོས་ཏེ། ཡུམ་གྱི་ལྷུམས་སུ་ཞུགས་པ་དེ་ན་ས་ཆེན་པོ་ཤིན་ཏུ་གཡོ་བར་འགྱུར་ཏེ། འཇིག་རྟེན་འདི་ཐམས་ཅད་དུ་སྣང་བ་ཆེན་པོས་ཁྱབ་པར་འགྱུར་བ་ནི། ལྷའི་ཁ་དོག་དང་མཐུ་ཟིལ་གྱིས་ནོན་ནས་གང་ཡང་འཇིག་རྟེན་དང་འཇིག་རྟེན་གྱི་བར་མི་སྣང་བ་གནས་པ་མུན་པས་གནག་པ་གང་དུ་ཉི་མ་དང་། ཟླ་བ་གཉིས་འདི་བཞིན་དུ་རྫུ་འཕྲུལ་ཆེ་བ། མཐུ་ཆེ་བའི་འོད་ཀྱིས་སོ་སོར་སྣང་བར་མ་གྱུར་པ་དེར་ཡང་དེའི་དུས་ན་སྣང་བ་ཆེན་པོས་སྣང་བར་གྱུར་ཏེ། དེར་སེམས་ཅན་གང་སྐྱེས་པ་དེ་དག་བདག་གི་ལག་པ་ནས་གཟུང་ཡང་མི་མཐོང་བའི་སེམས་ཅན་དེ་དག ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། སྙམ་དུ་ཤེས་སོ། ། ༤ ནམ་གྱི་དུས་ན་བྱང་ཆུབ་སེམས་དཔའ་དེ་དག་ཡུམ་གྱི་ལྷུམས་ནས་འབྱུང་བ་དེའི་དུས་ན་ཡང་ས་ཆེན་པོ་ཤིན་ཏུ་གཡོ་བར་གྱུར་ཏེ་ཞེས་པ་ནས་སྔ་མ་བཞིན་ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །ཞེས་ཤེས་པའི་བར་དུ་སྟེ། ། ༥ བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བ་དེའི་དུས་ན་ས་ཆེན་པོ་ཤིན་ཏུ་གཡོ་བ་ནས་སྔ་མ་བཞིན་དུ་སྦྱར་བའོ། ། ༦ ནམ་གྱི་དུས་ན་དེ་བཞིན་གཤེགས་པས་ཆོས་ཀྱི་འཁོར་ལོ་རྣམ་པ་བཅུ་གཉིས་ལན་གསུམ་དུ་བསྐོར་བ་དེའི་དུས་ན་ཡང་ས་ཆེན་པོ་ཤིན་ཏུ་གཡོ་བ་ནས་སྔ་མ་བཞིན་སྦྱར་བའོ། ། ༧ ནམ་གྱི་དུས་ན། དེ་བཞིན་གཤེགས་པས་འཚོ་བའི་འདུ་བྱེད་ནི་བྱིན་གྱིས་བརླབས། ཚེའི་འདུ་བྱེད་སྤངས་པ་དེའི་དུས་ན་ས་ཆེན་པོ་ཤིན་ཏུ་གཡོ་བར་འགྱུར་ཏེ། སྐར་མདའ་ལྷུང་། ཕྱོགས་ཚིག་སྟེ། བར་སྣང་ན་ལྷ་རྣམས་རྔ་རྡུང་བར་འགྱུར་རོ། ། ༨ རིང་པོ་མི་ཐོགས་པར་དེ་བཞིན་གཤེགས་པ་ཟླ་བ་གསུམ་འདས་པ་དང་། ཕུང་པོ་མ་ལུས་པའི་མྱ་ངན་ལས་འདའ་བའི་དབྱིངས་སུ་མྱ་ངན་ལས་འདའ་བར་འགྱུར་པ་དེའི་དུས་ན་ས་ཆེན་པོ་ཤིན་ཏུ་གཡོ་བར་གྱུར་ཏེ། སྐར་མདའ་ལྷུང་། ཕྱོགས་ཚིག བར་སྣང་ན་ལྷ་རྣམས་རྔ་རྡུང་བར་གྱུར་རོ། །
Domain	ཆོས་ལུགས།