90521

ས་གསུམ་པའི་ཡོན་ཏན་ཕལ་བ་ཐོབ་ཚུལ་ (1)

Part of speech	མིང་ཚིག
Definition	མདོ། དབུ་མ། ས་གསུམ་པ་འོད་བྱེད་པ་དེར་བྱང་ཆུབ་སེམས་དཔའ་ལ་བསམ་གཏན་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། ཚད་མེད་པ་བཞི་དང་། མངོན་པར་ཤེས་པ་ལྔ་རྣམས་འབྱུང་བར་འགྱུར་རོ། །རྟེན་ཅིང་འབྲེལ་བར་འབྱུང་བ་འཕོ་བ་མེད་པ་དང། རྣམ་པར་འཇིག་པ་མེད་པ་ཉིད་དུ་རྟོགས་པས་འདོད་ཆགས་དང་། ཞེ་སྡང་དང་། གཏི་མུག་ཕལ་ཆེར་ཡོོངས་སུ་ཟད་པར་འགྱུར་རོ། །བྱང་ཆུབ་སེམས་དཔའ་དེ་རྣམ་སྨིན་གྱི་དབང་གིས་ལྷའི་དབང་པོར་སྐྱེ་བ་འཛིན་ལ། དེས་ཀྱང་རྟག་ཏུ་འཇིག་རྟེན་པའི་འདོད་པའི་འདོད་ཆགས་འཇོམས་པའི་ཐབས་སྒྲུབ་ཅིང་སེམས་ཅན་རྣམས་འདོད་པའི་འདམ་ནས་འདོན་པར་ནུས་པར་འགྱུར་རོ། །ཞེས་རེད་མདའ་བའི་དབུ་འཇུག་རྣམ་བཤད་ལས་གསུངས་སོ། ། མདོ་ལས། འདོད་པའི་འཆིང་བ་དང་། གཟུགས་ཀྱི་འཆིང་བ་དང་། སྲིད་པའི་འཆིང་བ་དང་། མ་རིག་པའི་འཆིང་བ་ཐམས་ཅད་བསྲབས་པར་འགྱུར་བ་དང། ལོག་པའི་འདོད་ཆགས་དང་། ཞེ་སྡང་དང་གཏི་མུག་འགྲིབ་པར་བྱ་བ་མ་ཡིན་པར་སྤོང་བར་འགྱུར་བར་གསུངས་ཏེ། དབུ་མའི་གཞུང་ལུགས་འདིར། སོ་སོའི་སྐྱེ་བོ་སྲིད་པར་སྐྱེ་བ་ལེན་པའི་རྒྱུར་གྱུར་པའི་ཉོན་མོངས་ཐམས་ཅད་དང་ཉན་རང་གི་སྒོམ་སྤང་དུ་བྱེད་པའི་རང་དབང་མེད་པར་འཁོར་བར་སྐྱེ་བའི་རྒྱུའི་ཆ་རྣམས་བྱང་སེམས་ཀྱི་མཐོང་ལམ་གྱིས་སྤངས་ཟིན་ཀྱང་། དེའི་གནས་ངན་ལེན་གྱི་ཆ་བྱང་སེམས་ཀྱི་སྒོམ་ལམ་གྱི་གནས་སྐབས་སུ་སྦྱོང་བར་བྱེད་པ་ལས་ས་གསུམ་པའི་གནས་ངན་ལེན་སྦྱང་བའི་ཚད་བསྟན་པའོ། །ཞེས་ཀུན་མཁྱེན་གོ་རམས་པའི་འཇུག་པའི་དཀའ་འགྲེལ་ལས་གསུངས་སོ། །
Domain	ཆོས་ལུགས།