90585

ས་དགུ་པ་ལེགས་པའི་བློ་གྲོས་ (1)

Part of speech	མིང་ཚིག
Definition	མདོ། དབུ་མ། ས་དགུ་པ་ལ་ནི་བྱང་ཆུབ་སེམས་དཔའ་དེའི་སྟོབས་ཀྱི་ཕ་རོལ་ཏུ་ཕྱིན་པ་མཐའ་དག་རྫོགས་ཤིང་ཆེས་དག་པར་འགྱུར་རོ། །དེ་བཞིན་དུ་རང་གི་ས་ལ་བརྟེན་པའི་ཡོན་ཏན་སོ་སོ་ཡང་དག་པར་རིག་པའི་ཆོས་ཡོངས་སུ་དག་པའང་འཐོབ་བོ། །དེ་ལ་ཆོས་སོ་སོ་ཡང་དག་པར་རིག་པ་ནི་ཆོས་ཐམས་ཅད་ཀྱི་མཚན་ཉིད་རབ་ཏུ་ཤེས་སོ། །དོན་སོ་སོ་ཡང་དག་པར་རིག་པ་ནི་ཆོས་རྣམས་ཀྱི་དོན་མ་འདྲེས་པར་སོ་སོར་ཤེས་པའོ། །ངེས་པའི་ཚིག་སོ་སོ་ཡང་དག་པར་རིག་པ་ནི་ཆོས་རྣམས་མ་འདྲེས་པར་སྟོན་པ་རབ་ཏུ་ཤེས་སོ། །སྤོབས་པ་སོ་སོ་ཡང་དག་པར་རིག་པར་ནི་ཆོས་རྣམས་ཀྱི་བཤད་པའི་རྒྱུན་ཆད་པ་མེད་པར་ཉིད་དུ་འདུ་ཤེས་སོ་ཞེས་རོང་སྟོན་གྱི་དབུ་འཇུག་རྣམ་བཤད་ལས་གསུངས་སོ། །
Domain	ཆོས་ལུགས།