90705

ས་བཅུ་ལ་རྨོངས་པ་གཉིས་ཀྱིས་སྒྲིབ་པ་བཅུ་ (1)

Part of speech	མིང་ཚིག
Definition	འཕགས་པ་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ཞེས་བྱ་བའི་མདོ་ལས་བྱུང་བ་སྟེ། ༡ གང་ཟག་ལ་མཚན་མ་ཅན་དུ་མངོན་པར་ཞེན་པའི་རྨོངས་པ་དང་། འཁོར་བ་དང་། ངན་སོང་གི་ཉོན་མོངས་པས་འཇིགས་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་དང་པོ་ལ་སྒྲིབ་བོ། ། ༢ ལྟུང་བ་ཕྲ་མོའི་འཁྲུལ་པ་ལ་རྨོངས་པ་དང་། ལས་དང་། སྤྱོད་པ་སྣ་ཚོགས་མངོན་པར་སྐྱེད་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་གཉིས་པ་ལ་སྒྲིབ་བོ། ། ༣ མ་ཐོབ་པ་ཐོབ་པར་འདོད་པའི་རྨོངས་པ་དང་། གཟུངས་དམ་པའི་མཆོག་ཐོབ་པ་ལ་རྨོངས་པ་དང་། རྨོངས་པ་འདི་གཉིས་ཀྱིས་ས་གསུམ་པ་ལ་སྒྲིབ་བོ། ། ༤ མཉམ་པར་གཞག་པའི་རོའི་དགའ་བ་ལ་སྲེད་པའི་རྨོངས་པ་དང་། ཆོས་རྣམ་པར་དག་པ་ལ་སྲེད་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་བཞི་པ་ལ་སྒྲིབ་བོ། ། ༥ འཁོར་བ་ལ་ཤིན་ཏུ་སྐྱོ་བའི་རྨོངས་པ་དང་། མྱ་ངན་ལས་འདས་པ་ལ་མངོན་པར་གཞོལ་བའི་རྨོངས་པ་དང་། རྨོངས་པ་འདི་གཉིས་ཀྱིས་ས་ལྔ་པ་ལ་སྒྲིབ་བོ། ། ༦ འདུ་བྱེད་ཀྱི་རྒྱུ་བ་མངོན་དུ་གྱུར་པའི་རྨོངས་པ་དང་། མཚན་མ་སྦོམ་པོ་མངོན་དུ་གྱུར་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་དྲུག་པ་ལ་སྒྲིབ་བོ། ། ༧ མཚན་མ་ཕྲ་མོ་མངོན་དུ་གྱུར་པའི་རྨོངས་པ་དང་། མཚན་མ་མེད་པའི་ཡིད་ལ་བྱེད་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་བདུན་པ་ལ་སྒྲིབ་བོ། ། ༨ མཚན་མ་མེད་པ་ལ་ཆེད་དུ་རྩོལ་བའི་རྨོངས་པ་དང་། མཚན་མར་འཛིན་པ་ལ་དབང་ཐོབ་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་བརྒྱད་པ་ལ་སྒྲིབ་བོ། ། ༩ གང་ཆོས་སྟོན་པ་ཚད་མེད་པ་དང་། ཚིག་དང་། ཡི་གེ་ཚད་མེད་པ་ལ་མཁས་པར་མ་གྱུར་པའི་རྨོངས་པ་དང་། སྤོབས་པ་ལ་དབང་མ་ཐོབ་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་དགུ་པ་ལ་སྒྲིབ་བོ། ། ༡༠ མངོན་པར་ཤེས་པ་ཆེན་པོ་ལ་དབང་བསྒྱུར་བ་མ་ཐོབ་པའི་རྨོངས་པ་དང་། དོན་དང་། ལས་གསང་བ་ཕྲ་མོ་ལ་མཁས་པར་མ་གྱུར་པའི་རྨོངས་པ་དང་། རྨོངས་པ་འདི་གཉིས་ཀྱིས་ས་བཅུ་པ་ལ་སྒྲིབ་པའོ། །
Domain	ཆོས་ལུགས།