90763

ས་བརྒྱད་པའི་སྤང་བ་ལྷག་པའི་ཡོན་ཏན་ (1)

Part of speech	མིང་ཚིག
Definition	མདོ། དབུ་མ། ས་བརྒྱད་པ་ལ་ཁམས་གསུམ་གྱི་ཉོན་མོངས་པ་དེ་རྩ་བ་དང་བཅས་པ་དྲི་མ་དེ་དག་ཉེ་བར་ཞི་བར་འགྱུར་བ་ཡིན་ཏེ། ཆགས་པ་མེད་པའི་བློ་ས་བརྒྱད་པའི་ཡེ་ཤེས་ནི། སྐྱོན་ཉོན་མོངས་རྣམས་དང་ལྷན་ཅིག་མི་གནས་པའི་ཕྱིར། ཉོན་མོངས་ཟད་ཅིང་ས་གསུམ་གྱི་བླ་མར་གྱུར་ཀྱང་འགོག་པ་ལས་ལངས་ནས་ཚོགས་གཉིས་ཀྱི་མཛད་པ་རྒྱ་ཆེན་པོ་བསྒྲུབ་དགོས་ཏེ། ས་བརྒྱད་པ་དེར་སངས་རྒྱས་རྣམས་ཀྱི་མཛད་པ་སྟོབས་སོགས་མཁའ་ལྟར་མཐའ་བྲལ་ཐོབ་པར་ནུས་པ་མ་ཡིན་པའི་ཕྱིར། འདིས་འགོག་པ་ལས་སློང་དགོས་པའི་ཤེས་བྱེད་བསྟན་ནོ། །དེ་ཡང་ས་འོག་མ་རྣམས་སུ་ཉོན་མོངས་སྤངས་པ་མེད་པས། འགོག་པ་ལ་རིང་དུ་སྙོམས་པར་ཞུགས་ཀྱང་མྱང་འདས་མངོན་དུ་བྱེད་མི་ནུས་པས། ས་འདིར་ཉོན་མོངས་སྤངས་ཟིན་པས་ཐོས་པ་རྒྱ་ཆེན་པོ་དང་མི་ལྡན་པའི་བྱང་སེམས་འགའ་ཞིག་ཆོས་ཉིད་ལ་ཡུན་རིང་དུ་ཞུགས་ན་དེ་ཙམ་གྱིས་ཆོག་པར་བཟུང་ནས་སྟོབས་བཅུ་དང་མི་འཇིགས་པ་སོགས་ཀྱི་ཐབས་ལ་མི་བརྩོན་པས་གཞན་དོན་རྒྱུན་ཆད་པར་འགྱུར་ཏེ། དེས་སངས་རྒྱས་ཀྱི་ཆོས་རྣམས་མ་ཐོབ་པས་ཆོས་ཉིད་མཉམ་པར་བཞག་བཞིན་དུ་གཞན་དོན་བྱེད་མི་ནུས་པའི་ཕྱིར་རོ། །ས་འདིར་འགོག་པ་ལས་སློང་བར་བསྟན་པས། ས་འདིར་ཉོན་མོངས་ཟད་པའི་ཤེས་བྱེད་བསྟན་པར་སློབ་དཔོན་འདི་བཞེད་དོ། །དབང་བཅུ་ཐོབ་པ་ནི། འོ་ན་འདིར་འཁོར་བ་འགག་ན། ཇི་ལྟར་འདི་ཡིས་སངས་རྒྱས་ཀྱི་ཆོས་ཡོངས་སུ་རྫོགས་པར་བྱེད་ཅེ་ན། བྱང་སེམས་ས་བརྒྱད་པ་ཆོས་ཅན། ཁྱོད་ཀྱི་འཁོར་བ་འགགས་པ་སྟེ་སྤངས་ཀྱང་སངས་རྒྱས་ཀྱི་རྒྱུ་ཚོགས་བསྒྲུབ་པ་མི་འགལ་ཏེ། ཁྱོད་ཀྱི་དབང་རྣམ་པ་བཅུ་པོ་ཐོབ་པར་གྱུར་ཅིང་། དབང་བཅུ་པོ་དེ་དག་གི་ཡིད་ཀྱི་རང་བཞིན་གྱི་ལུས་བླང་པའི་སྒོ་ནས་སྲིད་པར་འགྲོ་བར་རང་གི་བདག་ཉིད་སྣ་ཚོགས་སྟོན་པར་འགྱུར་བའི་ཕྱིར་རོ་ཞེས་པཎ་ཆེན་ཤཱཀ་མཆོག་གི་དབུ་འཇུག་རྣམ་བཤད་གནད་ཀྱི་ཊཱི་ཀ་ལས་གསུངས་སོ། །
Domain	ཆོས་ལུགས།