91003

ས་ཚིགས་ཀྱི་ཡུལ་དབུས་ (1)

Part of speech	མིང་ཚིག
Definition	མདོ། འདུལ་བ། དབུས་དང་མཐའ་འཁོབ་ཏུ་གང་གིས་འཇོག་ཅེ་ན། ཡུལ་ལི་ཁ་ར་ཤིང་འཕེལ་གྱི་མདུན་གྱི་ནགས་ཚང་ཚིང་ཅན་ལི་ཁ་ར་སྟེ། ཀ་ར་འཕེལ་བའི་ཤིང་ཡོད་པ་དེ་ནི་ཤར་ཕྱོགས་ཀྱི་མཚམས་སོ། །ཨུ་ཤི་ར་ཞེས་བརྗོད་པའི་རི་བོ་མུན་པ་ཅན་ནི་བྱང་གི་མཚམས་སོ། །བྲམ་ཟེ་ཀ་པ་དང་ཉེ་བའི་ཀ་བ་ཞེས་བྱ་བའི་སྤུན་གཉིས་ཀྱིས་བརྩེགས་པའི་གཙུག་ལག་ཁང་ཡོད་པའི་གྲོང་ཁྱེར་གནས་པ་ནི་ནུབ་ཀྱི་མཚམས་ཡིན་ནོ། །གྲོང་ཁྱེར་འདམ་བུ་ཅན་གྱི་དྲུང་ནས་འབབ་པའི་ཆུ་ཀླུང་འདམ་བུ་ཅན་ཞེས་བྱ་བ་ནི་ལྷོའི་མཚམས་ཡིན་ནོ། །ཕྱོགས་བཞི་པོ་འདི་དག་གི་བར་རྣམས་ཀྱི་ནང་ཁོངས་ལ་ནི་ཡུལ་དབུས་སུ་ཤེས་པར་བྱའོ། །འདས་པ་དང་མ་འོངས་པ་དང་ད་ལྟར་གྱི་སངས་རྒྱས་འབྱུང་བའི་གནས་རྡོ་རྗེའི་གདན་བཞུགས་པས་དབུས་ཞེས་བྱའོ་ཞེས་བཤད་དོ། །རྡོ་རྗེའི་གདན་ཞེས་པ་ནི་ཉན་ཐོས་པས་སྣ་ཚོགས་རྡོ་རྗེའི་རྣམ་པ་ཡོད་པར་འདོད། ཐེག་པ་ཆེན་པོ་པས་ནི་རྡོ་རྗེ་རྩེ་ལྔ་པ་གྱེན་དུ་ལངས་པའི་རྣམ་པ་ཡོད་ཅིང་། དེའི་དབུས་སུ་བྱང་ཆུབ་ཀྱི་ཤིང་སྐྱེས་པར་འདོད་དོ། །དབུས་ཀྱི་ནང་ཁོངས་ཀྱི་ཚད་ནི་ཁ་ཅིག་དཔག་ཚད་དྲུག་ཅུ་དང་། ཁ་ཅིག་བཅུ་དྲུག་ཡོད་ཞེས་ཟེར་རོ། །སྔ་མ་ཉིད་ལེགས་ལ། ཕྱི་མ་ནི་དྲུག་དང་བཅུ་མགོ་མཇུག་བསྣོར་བའི་འགྱུར་ཉེས་སོ། །ཞེས་ཀུན་མཁྱེན་རོང་སྟོན་གྱི་འདུལ་ཕྲེང་རྣམ་འགྲེལ་ལས་སོ། །
Domain	ཆོས་ལུགས།