91043

ས་འབྲས་ (1)

Part of speech	མིང་ཚིག
Definition	སྲ་འབྲས་དང་དོན་གཅིག་སྟེ། ལོ་མང་སྐྱེ་བའི་ཤིང་སྨན་རིགས་ཀྱི་སྐྱེ་དངོས་ཤིག་སྟེ། སྡོང་པོ་ནག་ལ་མཁྲེགས་ཤིང་གྱོང་བ་ཆེ་ཆུང་དང་དབྱིབས་སོགས་སྟར་བུའི་སྡོང་དབྱིབས་མཐུག་ལ་འཇམ་ཞིང་འོད་དང་ལྡན་པ་ཁ་སྤྲོད་དུ་སྐྱེ་བ། མེ་ཏོག་དཀར་པོ་འདབ་མ་བཞི་ལྡན་བཞི་ལྔ་ཙམ་ཚོམ་བུར་འཆར་བ། གང་བུ་ལེབ་འཇོང་གླ་བ་སྲད་མའམ་གཟའ་བདུད་དཀར་པོའི་གང་བུ་འདྲ་བར་ཚེར་མ་ཐུང་ངུས་ཁྱབ་པའི་ནང་དུ་འབྲས་བུ་ནག་པོ་བུམ་དབྱིབས་དོད་པ་གསུམ་བཞི་ཙམ་རེ་ཡོད། འདི་ལ་རིགས་གཉིས་ལས་ཆེ་བ་ལུག་རིལ་ཙམ་འབར་འབུར་མང་ལ་སྙི་བ་དེ་ངན་ཞིང༌། ཆུང་བ་ནར་ཞད་ཡོད་པ་བུམ་རྫབ་ཅན་མཁྲེགས་པ་དེ་བཟང་བ་ཡིན། འབྲས་ལྗོངས་དང༌། རྒྱ་གར། བལ་ཡུལ་སོགས་ཚད་པ་ཆེ་བའི་ཡུལ་དུ་སྐྱེ། བོད་ཟླ་བརྒྱད་པ་ཙམ་ལ་འབྲས་བུ་བཏུས་ཏེ་ཧམ་རུལ་མ་ཤོར་བར་བསྐམས་ནས་སྨན་དུ་སྤྱོད་རྒྱུ། རོ་མངར་ལ་སྐྱུར་བ། ཞུ་རྗེས་མངར་བ། ནུས་པ་ཡང་ཞིང་དྲོ་བ། ངོ་བོའི་ནུས་པས་མཁལ་ནད་སེལ་བ་དང༌། མཁལ་དྲོད་སྐྱེད་པ། མཁལ་ནུས་ཉམས་པ་གསོ་བ་སོགས་ལ་ཕན་པ་ཡིན།
Domain	གསོ་རིག