91110

ས་ཡི་ལྷ་མོ་ཀུན་བསྐྱེད་མ་ (1)

Part of speech	མིང་ཚིག
Definition	སྔགས། ཡེ་གཤེན་རྒྱུད། བོན། བདེར་གཤེགས་རིགས་ལྔའི་ནང་གསེས་ལྷ་ཆེན་གསལ་བ་རང་འབྱུང་གི་ཕྱག་རྒྱའི་ཡུམ་ཡིན་ལ། གནས་ནི་དཀྱིལ་འཁོར་ཤར་ཕྱོགས་སྲ་བརྟན་གསས་མཁར་གྱི་བྱང་ཕྱོགས་སུ། གདན་ནི་པད་མའི་ཁྲི་རུ་བཞུགས་སོ། །སྐུའི་ཆ་བྱད་ནི། སྐུ་མདོག་སེར་མོ་དབུ་ལ་གསེར་གྱི་པྲོག་ཞུ་སྐུ་ལ་གཡང་གཞི་སེར་པོ་གསོལ་བ། གཡས་པས་གསེར་གྱི་འཕྲེང་བ་དང་གཡོན་པས་གསེར་གྱི་གབ་རྩེ་བསྣམས་སོ། །སྐུ་གསུང་ཐུགས་སོགས་ཀྱི་ཕྲིན་ལས་ནི། སྐུ་ལ་ཕྱག་རྒྱ། གསུང་ལ་འཛབ་དབྱངས། ཐུགས་ལ་འོད་ཟེེར། ལེགས་པའི་ཡོན་ཏན། ལྷུན་འགྲུབ་ཕྲིན་ལས་བཅས་ཡོངས་སུ་རྫོགས་པར་མངའ་བ་ཞི་བའི་ཆ་བྱད་ཅན་གྱི་ལྷ་མོ་ཞིག་གོ ། ལྷ་མོ་འདིའི་སྐྱེད་བྱེད་ཀྱི་སྙིང་པོའམ་ས་བོན་ནི། བསྭོ་ཨཱོྃ་སལེ་ཁྲི་ལེ་འདུ་འདུ་ས། ཞེས་པའམ་བསྡུས་ན་ས་ཡིག་འདི་ཉིད་དོ། །ཡིག་འབྲུ་དེ་དག་གི་འབྲུ་དོན་ནམ་མཚོན་དོན་ནི། བསྭོ་ནི་མི་འགྱུར་བོན་གྱི་དབྱིངས་མཚོན་ལ། ཨཱོྃ་ནི་འགག་མེད་རྫོགས་སྐུ་མཚོན། སལེ་ནི་སྐུ་གསུམ་འདུ་འབྲལ་མེད་པར་མཚོན། ཁྲི་ལེ་ནི་ཤེས་རབ་ཏུ་མཚོན། ས་ནི་ས་ཡི་ལྷ་མོ་འདི་ཉིད་དུ་མཚོན་པའོ། །གནས་ཡུལ་ནི། ལུས་ཀྱི་མཚེར་པའི་རྩ་སྡོམ་དུ་གནས་སོ། །བྱེད་ལས་ནི། ལྷ་མོ་འདི་ཉིད་བསྐྱེད་པའི་གཞི་བྱེད་དོ། །དེའི་དོན་རྟོགས་དང་མ་རྟོགས་པའི་དགེ་སྐྱོན་ནི། རྟོགས་ན་ལོངས་སྤྱོད་རྫོགས་སྐུ་དང་གསས་རྗེ་རྨངས་པོའི་སྐུ་རུ་འཐོབ་ལ། མ་རྟོགས་ན་གཏི་མུག་གི་ས་བོན་གྱི་རྒྱུ་སྟེ་བྱོལ་སོང་གི་ཞིང་དུ་ཤར་བར་གསུངས་སོ། །
Domain	ཆོས་ལུགས།