91431

སངས་རྒྱས་ཀྱི་ཆོས་མཐའ་ཡས་པར་སྟོན་པ་བཅུ་ (1)

Part of speech	མིང་ཚིག
Definition	འཕགས་པ་སངས་རྒྱས་ཀྱི་ཆོས་བསམ་གྱིས་མི་ཁྱབ་པ་བསྟན་པའི་མདོ་ལས་བྱུང་བ་སྟེ། སངས་རྒྱས་བཅོམ་ལྡན་འདས་སེམས་ཅན་གྱི་ཁམས་ལ་མཐའ་ཡས་པར་སྟོན་པའི་སྒོ། སངས་རྒྱས་བཅོམ་ལྡན་འདས་སེམས་ཅན་གྱི་སྤྱོད་པ་སྣ་ཚོགས་མཐའ་ཡས་པར་སྟོན་པའི་སྒོ། སངས་རྒྱས་བཅོམ་ལྡན་འདས་སེམས་ཅན་ཐམས་ཅད་ཀྱི་ལས་ཀྱི་རྣམ་པར་སྨིན་པ་མཐའ་ཡས་པར་སྟོན་པའི་སྒོ། སངས་རྒྱས་བཅོམ་ལྡན་འདས་སེམས་ཅན་ཐམས་ཅད་ལ་གདམས་པ་རྗེས་སུ་བསྟན་པ་མཐའ་ཡས་པར་སྟོན་པའི་སྒོ། སངས་རྒྱས་བཅོམ་ལྡན་འདས་སེམས་ཅན་གྱི་ཁམས་རྣམ་པར་སྤྱོད་པའི་ནན་ཏན་མཐའ་ཡས་པར་སྟོན་པའི་སྒོ། སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་སྤྱོད་པ་གདམས་པ་མཐའ་ཡས་པ་བསྟན་པ་ལ་འགོད་པའི་སྒོ། སངས་རྒྱས་བཅོམ་ལྡན་འདས་བྱང་ཆུབ་སེམས་དཔའི་རིམ་པའི་ཁྱད་པར་བཞིན་སྨོན་ལམ་གྱིས་འབྱུང་བ་མཐའ་ཡས་པར་སྟོན་པའི་སྒོ། སངས་རྒྱས་བཅོམ་ལྡན་འདས་སེམས་ཅན་གྱི་ཁམས་མ་ལུས་པ་ཐམས་ཅད་ལ་སྡུད་པ་དང༌། འགྱུར་བ་མཐའ་ཡས་པར་སྟོན་པའི་སྒོ། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཞིང་རྣམ་པར་དག་པར་བྱང་ཆུབ་སེམས་དཔའ་རྣམས་ཀྱི་བསམ་པ་དང༌། དད་པ་བཞིན་སྟོན་པའི་སྒོ། འཇིག་རྟེན་གྱི་ཁམས་མ་ལུས་པ་ཐམས་ཅད་ནི་འདས་པ་དང༌། མ་འོངས་པ་དང༌། ད་ལྟར་བྱུང་བ་དེ་དང་དེ་དག་ཏུ་སངས་རྒྱས་ཐམས་ཅད་གཅིག་ནས་གཅིག་ཏུ་བསྐལ་པར་འབྱུང་བ་སངས་རྒྱས་བཅོམ་ལྡན་འདས་རྣམས་ཀྱི་མཐུས་བསྡུས་ནས་ཡོངས་སུ་སྣང་ཞིང༌། སངས་རྒྱས་ཐམས་ཅད་ཀྱི་ཡེ་ཤེས་རྣམ་པར་རིག་པ་མཐའ་ཡས་པའི་སྒོའོ། །
Domain	ཆོས་ལུགས།