91495

སངས་རྒྱས་ཀྱི་འཕྲིན་ལས་ཉེར་བདུན་ (1)

Part of speech	མིང་ཚིག
Definition	༡ ཞི་བའི་ལམ་ལ་འགོད་པ། ༢ གཞན་རྒྱུད་སྨིན་བྱེད་བསྡུ་བཞི་ལ་འགོད་པ། ༣ བླང་དོར་རྟོགས་པ་ལ་འགོད་པ་སྟེ་ཚོགས་ལམ་འགོད་པའི་འཕྲིན་ལས་གསུམ། ༤ གནས་ལུགས་ཀྱི་དོན་རྟོགས་པ་ལ་འགོད་པ། ༥ ཕྱིན་དྲུག་རྫོགས་བྱེད་ལ་འགོད་པ། ༦ གཉིས་དོན་སྤྱོད་པ་ལ་འགོད་པ། ༧ ལྟ་བ་རྣམ་དག་ལ་འགོད་པ་སྟེ་སྦྱོར་ལམ་ལ་འགོད་པ་བཞི། ༨ སྟོང་ཉིད་མངོན་སུམ་དུ་གསར་དུ་རྟོགས་པ་ལ་འགོད་པ་སྟེ་མཐོང་ལམ་ལ་འགོད་པ་གཅིག ༩ ས་གཉིས་པ་ནས་ལྔ་པའི་བར་ལ་འགོད་པ། ༡༠ ས་དྲུག་པ་ལ་འགོད་པ། ༡༡ བདུན་པ་ལ་འགོད་པ། ༡༢ བརྒྱད་པས་བསྡུས་པའི་སྤྱོད་པ་ཁྱད་པར་ཅན་ལ་འགོད་པ། ༡༣ བདེན་འཛིན་མངོན་འགྱུར་ཟད་པ་ལ་འགོད་པ། ༡༤ ས་དགུ་པ་ལ་འགོད་པ། ༡༥ ས་བཅུ་ཐོབ་མ་ཐག་པ་ལ་འགོད་པ། ༡༦ སྐྱེ་བ་གཅིག་ཐོགས་ཀྱིས་བསྡུས་པའི་སྐྱེ་བ་ཕྱི་མར་འཚང་རྒྱ་བར་ངེས་པ་ལ་འགོད་པ། ༡༧ གཞན་དོན་ལྷུན་གྲུབ་ལ་འགོད་པ། ༡༨ སངས་རྒྱས་ཀྱི་ཆོས་ལྷག་མ་རྫོགས་པ་ལ་འགོད་པ། ༡༩ སྲིད་པ་ཐ་མས་བསྡུས་པའི་བྱང་ཆུབ་འདྲེན་པར་བྱེད་པ་ལ་འགོད་པ། ༢༠ ལས་ཆུད་མི་ཟ་བ་ལ་འགོད་པ། ༢༡ ཇི་སྙེད་པ་རྟོགས་པ་ལ་འགོད་པ། ༢༢ ཇི་ལྟ་བ་རྟོགས་པ་ལ་འགོད་པ། ༢༣ ཕྱིན་ཅི་ལོག་ཟད་པ་ལ་འགོད་པ། ༢༤ གཞི་མེད་པ་ལ་འགོད་པ། ༢༥ རྣམ་བྱང་རྫོགས་པ་ལ་འགོད་པ། ༢༦ སྲིད་ཞི་མཉམ་ཉིད་ལ་འགོད་པའི་འཕྲིན་ལས་ཏེ་སྒོམ་ལམ་ལ་འགོད་པ་བཅོ་བརྒྱད། ༢༧ མི་གནས་པའི་མྱང་འདས་ལ་འགོད་པ་སྟེ་འབྲས་བུ་ལ་འགོད་པ་གཅིག་བཅས་སོ། །
Domain	ཆོས་ལུགས།