91546

སངས་རྒྱས་ཀྱིས་ཤེས་བྱ་ཇི་བཞིན་མཁྱེན་པ་ (1)

Part of speech	མིང་ཚིག
Definition	མདོ། དབུ་མ། ཤེས་བྱའི་སྒྲིབ་པ་ཕྲ་ཞིང་ཕྲ་བ་སྤངས་པའི་སྐད་ཅིག་མ་གཅིག་ལ་ཡེ་ཤེས་སྐད་ཅི་མ་གཅིག་གིས་ཆོས་ཐམས་ཅད་ཆོས་ཀྱི་དབྱིངས་སུ་རོ་གཅིག་པར་རྟོགས་པའི་ཚེ་ཡེ་ཤེས་དེའི་ངོར་ཇི་ལྟ་བ་དང་། ཇི་སྙེད་པ་དང་། ཡུལ་ཅན་ཡེ་ཤེས་གསུམ་པོ་ངོ་བོ་ཐ་དད་དུ་མི་སྣང་ལ། དེའི་རྗེས་སུ་མཉམ་བཞག་དེ་ལས་ལངས་པ་ཡང་མི་སྲིད་དེ། ཐུགས་མཉམ་པར་མ་བཞག་པ་མི་མངའ་བ་སངས་རྒྱས་ཀྱི་ཐུན་མོང་མ་ཡིན་པའི་ཡོན་ཏན་དུ་གསུངས་པའི་ཕྱིར་དང། དེ་ནས་བཟུང་སྟེ་ཡེ་ཤེས་དེའི་ངོར་དུས་སྔ་ཕྱིའི་དབྱེ་བ་ཡང་མེད་པའི་ཕྱིར་ཏེ་སྐྱེ་འགག་མི་སྣང་བའི་ཕྱིར་རོ། །དེ་གསུམ་དབྱེར་མེད་རོ་གཅིག་ཏུ་རྟོགས་པ་ལ་གདུལ་བྱའི་ངོར་ལྡོག་པའི་སྒོ་ནས་ཆ་ཤས་ཕྱེ་ན་ཇི་ལྟ་བ་རྟོགས་པའི་ཆ་ནས་མཉམ་བཞག་དང་། ཇི་སྙེད་པ་རྟོགས་པའི་ཆ་ནས་རྗེས་ཐོབ་དང་། ཡེ་ཤེས་དེ་ཉིད་རྟོགས་པའི་ཆ་ནས་སོ་སོ་རང་རིག་པ་ཞེས་པའི་ཐ་སྙད་འཇོག་ལ། ངོ་བོ་ཐ་དད་པ་མེད་པར་མ་ཟད་རྟོགས་ཚུལ་ཐ་དད་པ་ཙམ་ཡང་མེད་དོ། །དེས་ན་ཆོས་ཉིད་ཇི་ལྟ་བ་རྟོགས་ཀྱང་ཆོས་ཅན་ཇི་སྙེད་པའི་དབྱེ་བ་མ་འདྲེས་པ་སོ་སོར་རྟོགས་པའི་ཆ་ནས་འཕགས་པ་འོག་མའི་མཉམ་བཞག་ལས་ཁྱད་པར་འཕགས། ཆོས་ཅན་ཇི་སྙེད་པ་སྣང་ཡང་སྐྱེ་འགག་ཏུ་མི་སྣང་བ་དང། གཉིས་སྣང་མེད་པའི་ཆ་ནས་འཕགས་པ་འོག་མའི་རྗེས་ཐོབ་ལས་ཁྱད་པར་དུ་འཕགས་སོ། །ཞེས་ཀུན་མཁྱེན་གོ་རམས་པའི་འཇུག་པའི་དཀའ་འགྲེལ་ལས་གསུངས་སོ། །
Domain	ཆོས་ལུགས།